Dilemat për një asgjësim të koordinuar të një prej sipërmarësve më të njohur të teknologjisë në Mbretërinë e Bashkuar Mike Lynch, kanë nisur të qarkullojnë gjerësisht në median botërore, pasi trupi i Lynch-t rezultoi mes trupave të mbytur në jahtin e tij superluksoz “Bayesan”.
Nga sa shkruan Finantial Times, Lynch, ish-shefi ekzekutxiv i “Autonomy”, qe liruar nga akuzat penale që rëndonin mbi të në qershor, prej një jurie në San Francisko e cila e shfajësoi sipërmarrësin 59-vjeçar pas një beteje ligjore 12-vjeçare, mbi shitjen prej 11 miliardë dollarësh, të grupit të softuerit në Heëlett-Packard në 2011-n.
Po sipas FT, midis pasagjerëve në jahtin 56 metra “Bayesian” të Lynch-it, ndodheshin anëtarët e ekipit të tij ligjor dhe familjet e tyre, të cilët ishin ftuar në udhëtim për të festuar fitoren në sallën e gjyqit. Në bord ndodhej gjithashtu edhe Jonathan Bloomer, kryetar i grupit të sigurimeve “Hiscox” dhe “Morgan Stanley International”, i cili qe paraqitur në gjyq si dëshmitar mbrojtjes, e që sipas autoriteteve lokale italiane dhe njerëzve të njohur me çështjen, është një prej të zhdukurve.
Christopher Morvillo i firmës ligjore “Clifford Chance”, i cili përfaqësonte Lynch-in, gjithashtu mungon.
Një tjetër avokate e Clifford Chance, Ayla Ronald, që ishte në mesin e 15 prej 22 të ftuarve dhe ekuipazhit, thuhet së ka shpëtuar.
Vajza 18-vjeçare e Lynch, Hannah, rezulton gjithashtu e zhdukur, ndërsa gruaja e tij Angela Bacares u shpëtua.
Incidenti i jahtit, thekson Finantial Times, ndodhi në të njëjtën ditë kur u konfirmua edhe vdekja e bashkë-pandehurit të Lynch për rastin e mashtrimit në SHBA, Stephen Chamberlain, i cili u godit nga një makinë në Cambridgeshire.
Gary Lincenberg, një avokat që përfaqësonte Chamberlain në këtë çështje, tha se ish-zëvendëspresidenti i financave i “Autonomy”, të cilin ai e përshkroi si një “njeri të guximshëm me integritet të pashembullt”, ishte goditur për vdekje nga një makinë ndërsa po vraponte të shtunën.
Pas vendimit të sallës së gjyqit, Lynch kishte thënë se ishte “i gëzuar” dhe “po priste me padurim të kthehej në Britaninë e Madhe dhe në atë që dua më shumë: familjen time dhe inovacionin në fushën time”.
Roja bregdetare italiane tha se Bayesian u mbyt në një thellësi prej afërsisht 50 metra larg brigjeve të Palermos.
