Skënder Gjinushi është zgjedhur sërish në krye të Akademisë së Shkencave, në një proces me dyer të mbyllura për mediat. Nga deklarata publike e dhënë prej Gjinushit, sipas tij procesi ishte tejet i rregullt, e se fakti që e votuan sërish tregon se mandatin e parë ka punuar mirë.
“Procesi është tepër normal”, tha Gjinushi. “Akademia bën zgjedhje cdo katër vjet. Kur merr shumë vota në mandat të dytë, do të thotë që ke punuar shumë mirë.
Këtë që sapo fitoi me 51 vota pro dhe 2 kundër, Gjinushi e ka mandat të dytë .
Në zgjedhjen për herë të parë në krye të Akademisë së Shkencave, profili i tij si ish politikan tejet aktiv në politikën pas viteve ’90 u kundërshtua gjerësisht.
Kundërshtime pati po ashtu edhe për ndryshimet ligjore që u bënë në statutin e Akademisë, i cili siç thuhet u bë kastile për të vazhduar e mbajtur ende në krye të Akademisë së Shkencave, ish kryetarin e Partisë Social-Demokrate, aktualisht akademik Skënder Gjinushin.
