Teksa fliste dje përgjatë Asamblesë së Partisë Socialiste, kreu i qeverisë Rama ka sqaruar për të pranishmit dhe për opinionin publik atë që sipas tij qarkullon për të pas arrestimit prej SPAK të bashkëpunëtorëve të tij më të ngushtë. Në këndvështrimin e tij, ai ka vetëm një përgjegjësi morale, atë të të shpënit të reformës së drejtësisë deri në fund, në mënyrë, sic tha edhe vetë Rama, drejtësia në Shqipëri të ketë lirinë, pavarësinë dhe fuqinë që i duhet edhe përballë figurave të rëndësishme politike
“Nuk kanë dhe aq faj në fakt, dhe e them sinqerisht, ata që ma vënë mikrofonin përpara e më pyesin, po mirë, ky ai, bashkëpunëtorë të tutë, përgjegjësia individuale, dakord, po zotrote, nuk ke ndonjë përgjegjësi të paktën morale në këtë mes? Nuk kanë faj, prandaj ju lutem ma dëgjoni mirë këtë, të gjithë ju socialistët që për fat të mirë janë shumë pak, që qarkullojnë ato fjalët e neveritshme “Rama të lëshon, Rama s’të mbron”. Unë kam një ëprgjegjësi të madhe morale, sigurisht, më të madhen fare nga të gjithë ju padiskutim, po a e dini se cila është përgjegjësia ime morale? Nuk është as të skuqem, as të kërkoj ndjesë apo aq më pak të zbrapsem, pse dikujt që I besoj një detyrë në frontin e betejave të përbashkëta, e mbështes pa kursim për punën e përbashkët në këtë front, I merr mendjen pushteti, paraja, dhe tradhton jo thjesht besimin tim e besimin tuaj, por dhe flamurin, e të të gjithë stërgjyshëve e të gjitha bebeve të këtij vendi, bashë me flamurin e të gjithë socialistëve shqiptarë, të cilët pastaj, sipas atij mendimit të mbrapshtë, të atij mendimi të mbrapsht historic që qarkullon në atë formën Rama të lëshon, Rama s’të mbron, pasi njëri e ka përdorur flamurin e PS si maskë për të vjedhur, ne të tjerët u dashka ta përdorim edhe si letër higjenike për t’ia fshirë bajgat e korrupsioni edhe nga fytyra me dorën e partisë. Jo re! JO, jo dhe jo! Përgjegjësia ime morale brenda kësaj partie, por edhe jashtë është që drejtësia në Shqipëri të ketë lirinë, pavarësinë dhe fuqinë që I duhet, për ta ndëshkuar pavarëisht nga ngjyra, apo nga madhësia, cdo lloj klyshi të atij sojit të vjetër e të ulët politik”, tha mes të tjerave Rama.
