Lajmi që po bën bujë në Amerikë aktualisht, është ai i presidentit amerikan Joe Biden, të cilit i janë gjetur në shtëpinë e tij në Delaware, një sërë dokumentesh shtetërore të cilësuara si të klasifikuara.
Sipas deklaratave të avokatit personal të Bidenit Bob Bauer, materialet e gjetura prej FBI-së i përkisnin kohës kur Biden ishte pjesë e Senatit Amerikan e po ashtu edhe kohës kur ai ka punuar si zëvendës president. Përveç këtyre, nga sa bëhet me dije FBI-ja ka sekuestruar edhe disa shënime të Bidenit, që i përkasin kohës së presidencës.
Vetë Biden është treguar i gatshëm të bashkëpunojë për sqarimin e këtyre materialeve, duke u shprehur se “sapo morëm vesh një se pjesë e dokumenteve ishin fshehur në vendin e gabuar. Ua dorëzuam menjëherë arkivit dhe Departamentit të Shtetit”.
Biden dhe e shoqja e tij Jill ndodheshin në shtëpi teksa FBI u kontrolloi banesën, një kontroll ky, i cili zgjati përreth 13 orë.
Hetimi “Biden” ka përfshirë edhe hetimin e Departmentit të Drejtësisë sa i takon ruajtjes së dokumentave të rezervuara dhe dokumentave zyrtare nga ish presidenti Trump, pas largimit të këtij të fundit nga detyra.
Departamenti i Shtetit ka pohuar se Trump ka marrë me qindra dokumente të cilësuar si të klasifikuara kur u largua nga Shtëpia e Bardhë më 2021, dhe qeverisë iu desh të merrte një mandat hetimi për t’ia marrë, për shkak se ai nuk pranonte t’i dorëzonte për mua me radhë.
Avokati i Bidenit është shprehur se ndërkohë i ka kërkuar FBI-së që të mos e komentojë kërkimin përpara se avokatët e Bidenit e të Shtëpisë së Bardhë të ishin të pranishëm. FBI ndërkaq është shprehur se “ka pasur një liri të plotë veprimi në shtëpinë e presidentit, përfshi edhe shënimet shkruar me dorë prej tij, dokumenta, dosje, listë gjëra për t’u bërë, orare dhe përkujtesa që datojnë edhe 10 vite më pare”.
