Një studim i bërë kohëve të fundit mbi jetën jashtëtokësore, ka mbërritur në përfundimin se alienët ekzistojnë, por nuk kanë kontaktuar ende me tokën, se nuk shohin ende shenja inteligjence prej saj.
Autori i këtij studimit, Amri Wandel, astrofizikant në Universitetin Hebraik të Jerusalemit, ka deklaruar se motivi për të cilin alienët nuk kanë kontaktuar ende me Tokën, është se nuk kanë marrë asnjë shenjë inteligjence nga ajo. Sipas tij, sinjalet e dedektueshme janë shpënë në hapësirë vetëm në vitin 1930 dhe alienët nuk kanë pasur kohën e nevojshme për t’ marrë këto mesazhe apo për t’ju përgjigjur atyre. Valët e radios, thekson Wandel, kanë mbërriur rreth 15 yje dhe planetet e tyre në orbitë, nga 400 miliardë të tillë që ndodhen në Udhën e Qumështit.
Studiuesi Wandel, ka deklaruar edhe se duhet kohë që mesazhet e jashtëtokësorëve të vijnë tek ne. Sipas tij, vetëm yjet brenda 50 vitevedritë, kanë pasur kohë të përgjigjen, qysh kur Toka nisi transmetimin e sinjaleve në hapësirë, ndërkohë që vetëm në vitin 1974 u transmetua për herë të parë tek alienët, një mesazh i qëllimshëm e me fuqi të lartë, mesazhi Arecibo.
Qysh atëherë, thekson studimi, ka pasur plane për të dërguar një tjetër mesazh, përmes sinjalizuesit në Galaxy (BITG), që parashikon të përfshijë një skicë të ADN-së, sistemin diellor dhe një diagramë të formës mashkullore e femërore, duke përmbajtur shumë më tepër informacion rreth matematikës dhe shkencës bazë se mesazhi Arecibo.
Pra, këmbëngul, Wandel me studimin e tij, të gjitha këto janë dëshmi se jeta jashtëtokësore thjesht nuk ka pasur kohë të përgjigjet, e se duhet të ketë më shumë se 100 milionë planete teknologjikisht të përparuara në Rrugën e Qumështit.
Ai beson se teoria e tij sugjeron se nuk ka alienë inteligjentë brenda rreth 50 viteve-dritë të Tokës, por kjo nuk i përjashton ata që ekzistojnë diku në univers. “Mund të jenë duke pritur sinjalet teknologjike të Tokës, ose përgjigja e tyre është ende në rrugës”, thekson Wandel në studimin e tij.