Ashtu si për të rriturit, edhe për fëmijët, teatri është jo vetëm një vend argëtimi, por edhe një qoshe ku përmes shfaqjes mund të mësohet shumëçka.
E vënë në skenë prej një kaste modeste aktorësh, ku spikaste loja e mrekullueshme e aktores Jorida Meta, “Zonjushë Plastika”, hyn tek ato shfaqje që jo vetëm argëtojnë, por japin edhe mesazhe të forta ndërgjegjësuese për kohën kur jetojmë.
Skenari i shfaqjes ishte tejet i thjeshtë, por me një gjuhë të qartë e kuptueshme prej të vegjëlve, të cilët përmes dialogjeve të personazheve, përthithnin dhe mesazhin se plastika e përdorur në masë, po shkatërron planetin tonë.
Është për t’u veçuar loja e mrekullueshme aktoriale e aktores Jorida Meta, që luante personazhin e Zonjushë Plastikës, e cila me pak fjalë e lëvizje skenike, ia dilte mbarë të përcillte mesazhin e duhur.
Pjesa e shkruar nga Anderson Gurra, kryesisht për grupmoshën 6+, zgjaste rreth gjysmë ore, kohë në të cilën, fëmijët përfitoni një informacion tejet të vyer mbi efektet negative të plastikës, në atmosferën, det e natyrë.
