A flisni shpesh me veten? Dhe jo vetëm në privatësinë e shtëpisë tuaj, por edhe teksa ecni në rrugë, ose kur jeni në zyrë, ose kur jeni duke bërë pazar? Nëse po, mos u shqetësoni: “të mendosh me zë të lartë” na ndihmon të zbatojmë, ose më mirë të analizojmë atë që po mendojmë, na ndihmon të kemi një “ndjenjë” më të mirë të gjërave; e keqja është se na bën të dukemi… të çmendur. Por nuk jeni as i çmendur e as i sëmurë mendor. Të flasësh me veten, rezulton, në fund të fundit, një shenjë e një imagjinate të zhvilluar!
Në një studim, psikologët Daniel Swigley dhe Gary Lupyan, supozuan se biseda me veten mund të jetë e dobishme. Dhe nëse mendoni për këtë, padyshim që është e vërtetë. Njerëzit më të zgjuar në tokë janë mësuar të flasin me veten e tyre. Nga mendimtarët më të mëdhenj, te poetët dhe shkencëtarët më të famshëm, pothuajse të gjithë flisnin me vete! Albert Einstein pranoi në mënyrë të famshme se ai i përsëriste mendimet vetes për t’i përpunuar ato më mirë.
1) Biseda me veten ndihmon në organizimin e mendimeve tuaja
Sipas psikologes Linda Sapadin, të flasësh me zë të lartë me veten të ndihmon të konfirmosh vendime të rëndësishme dhe të vështira. Kjo ju ndihmon të qartësoni mendimet tuaja, t’i kushtoni vëmendje asaj që është e rëndësishme dhe të siguroheni për çdo vendim për të cilin jeni duke u lëkundur.
2) Biseda me veten ju ndihmon të arrini qëllimet tuaja
Bërja e një liste të qëllimeve tuaja vështirë se ju ndihmon t’i arrini ato. Ndonjëherë madje, ato mund t’ju duken si “mal” dhe t’ju dekurajojnë që t’i ndiqni. Por duke folur me veten për këto qëllime, do t’ju ndihmojë të ndërmerrni hapa më të qëndrueshëm drejt secilit qëllim individualisht. Nëse analizoni me veten se çfarë duhet të bëni çdo herë, atëherë çdo hap do të duket më pak i vështirë dhe e gjithë përpjekja më gjithëpërfshirëse.
Siç thotë Sapadin: “Të thoni qëllimet tuaja me zë të lartë, ju ndihmon të përqendroni vëmendjen tuaj, të kontrolloni ndjenjën e heqjes dorë dhe të izoloni çdo shpërqendrim. Kështu i vendos gjërat në dimensionin e duhur dhe bëhen më të prekshme”.
Burimi: peoplenews.gr
