Ka reaguar për debatin e ngjallur prej projektligjit të miratuar thuajse katër ditë më parë, “Për të drejtën e informimit për dokumentet e ish sigurimit të shtetit të Republikës socialiste të Shqipërisë” edhe kreu i Partisë së Lirisë Ilir Meta, i cili i cilëson si faqezinj të gjithë ata që shpifin kundër tij.
“Të gjithë rilindasit mavi dhe blu të “mprehin” brisqet”, shkruan Meta në fejsbukun e tij, “për të lidhur emrin e Ilir Metës me Sigurimin e shtetit. Inkriminimi i Autoritetit të manipulimit të dosjeve Rama-Basha me falsifikime dhe manipulime të opinionit publik do të marrë përgjigjen e duhur dhe ndëshkimin ligjor. Asgjë nuk e ndal Ilir Metën në misionin e tij për të rivendosur pluralizmin politik. Çështjen e I.M e ka sqaruar vetë personi i përndjekur nga Sigurimi i Shtetit. Turp për të gjithë ata faqezinj që bëjnë si opozitarë dhe janë vetëm kërpërata të fëlliqura të korruptuar nga Edi Rama. Në krye të opozites s’ka për të patur as Lul dhe as Lulushë. Shpresoj që emisionet e stisura për rëndësinë e “hapjes” së dosjeve të mos sponsorizohen nga paratë e incineratorëve.”
