Për hir it të krizës energjitike, nisur prej konfliktit Ukrainë-Rusi, vihet re një shtim i projekteve dhe planeve për të shtuar edhe termocentralet bërthamore në të gjithë botën. Sipas një artikulli të shkruar prej Ebru Sengul Cevrioglu, botuar në Anadoly Agency, edhe pse shpërthimi i Fukushimës në 2011 bëri që mjaft vende të premtonin heqjen dorë prej prodhimit të energjisë prej termocentraleve bërthamore, aktualisht mjaft vende po planifikojnë të ndërtojnë të tilla. Sa më poshtë, lista.
Amerika
SHBA, me 92 reaktorë aktivë që mbulojnë rreth 20% të kërkesës së saj për energji elektrike, është aktualisht lider në energjinë bërthamore, duke rezultuar e aftë në bërjen e studimeve dhe investime modulare për reaktorët bërthamorë. Aktualisht në SHBA po vazhdon ndërtimi i dy reaktorëve, ndërkohë që janë ndërmarrë edhe kërkime e studime për ndërtimin e objekteve bërthamore në zonat e vjetra të termocentraleve.
Kina
Me 54 reaktorë bërthamorë në funksion, Kina plotëson 5% të nevojave të saj për energji elektrike. Aktualisht në vend janë në ndërtim e sipër 22 reaktorë dhe është marrë miratimi edhe për ndërtimin e 38 reaktorëve të tjerë. Kina synon të ndërtojë nga gjashtë deri në tetë reaktorë bërthamorë çdo vit, deri në vitin 2025, për të siguruar kështuvendin e saj si vendi me kapacitetin më të lartë globalisht në këtë fushë, deri në vitin 2030. Në vend janë miratuar ndërtimi i gjashtë reaktorëve të rinj në prill dhe ndërtimi i katër të tjerëve brenda javës, për dy nga termocentralet bërthamore.
India
22 reaktorët bërthamorë të Indisë sigurojnë 3% të prodhimit të saj të energjisë elektrike, ndërsa tetë reaktorë të rinj janë në ndërtim e sipër. Vendi synon të trefishojë prodhimin e tij të energjisë bërthamore në dhjetë vitet e ardhshme, duke instaluar 12 reaktorë të rinj. Me krizën energjetike, kompania më e madhe e prodhimit të energjisë elektrike në vend, filloi të investojë në dy reaktorë të rinj bërthamorë.
Japonia
Para aksidentit në termocentralin bërthamor të Fukushimës në vitin 2011, Japonia plotësonte 30% të kërkesës së saj për energji elektrike nga energjia bërthamore. Megjithëse mbylli shumicën e reaktorëve të saj pas aksidentit, 33 reaktorë bërthamorë janë ende duke funksionuar. Me rritjen e çmimeve të energjisë, Japonia njoftoi planet për të rritur numrin e reaktorëve aktivë deri në dimër. Përveç shtatë reaktorëve aktivë, vendi vendosi të aktivizojë nëntë reaktorë të tjerë, për të furnizuar 10% të kërkesës së tij për energji elektrike nga energjia bërthamore.
Korea e Jugut
Termocentralet bërthamore sigurojnë 28% të prodhimit të energjisë elektrike në vend. Koreja e Jugut ka 25 reaktorë aktivë dhe tre të tjerë janë në ndërtim e sipër. Me krizën energjetike, Koreja e Jugut hoqi dorë nga planet për ta ndërprerë prodhimin e energjisë prej termocentraleve bërthamore, dhe vendosi të rrisë investimet në këtë drejtim. Vendi planifikon të ndërtojë dhjetë termocentrale bërthamore deri në vitin 2030, duke rritur prodhimin e energjisë elektrike në 30%.
Gjermania
Deri vitin e shkuar Gjermania prodhonte 12 % të energjisë së saj falë gjashtë reaktorëve bërthamorë. Megjithëse vendi planifikoi të heqë dorë gradualisht dorë nga prodhimi i energjisë bërthamore, ai mori masa urgjente për të mbushur hendekun e deficitit të prodhimit të energjisë, përpara sezonit të dimrit. Dy termocentrale bërthamore, Isar 2 në Bavari dhe Neckarëestheim 2 në Baden-Ëürttemberg, tani do të vihen në gatishmëri dhe do të vihen në dispozicion për rezerva emergjente deri në mes të prillit 2023.
Mbretëria e Bashkuar
Me nëntë reaktorë bërthamorë në funksionim, vendi plotëson 15% të kërkesës së tij për energji nga burimet bërthamore. Me krizën energjetike, Britania e Madhe miratoi projektin e centralit bërthamor me një kosto totale prej 30 miliardë paundsh. Në kuadër të këtij projekti, në vitet në vijim, parashikohet të nisë ndërtimi i termocentralit bërthamor me dy reaktorë Sizeëell C, në juglindje të vendit.
Franca
Franca plotëson 70% të prodhimit të saj të energjisë elektrike nga 56 reaktorë bërthamorë në të gjithë vendin. Kompania franceze e energjisë EDF, ka përshpejtuar mirëmbajtjen e tyre, në mënyrë që të aktivizojë më shumë reaktorë gjatë dimrit. Presidenti francez Emmanuel Macron njoftoi planet për të ndërtuar edhe 14 reaktorë të rinj bërthamorë, për të lehtësuar varësinë nga karburantet fosile. Vendi do të investojë në teknologjitë e reaktorëve bërthamorë modularë (SMR).
Belgjika
Me një total prej shtatë reaktorësh, vendi plotëson rreth gjysmën e nevojave të vendit nga energjia bërthamore. Për të kapërcyer krizën energjetike, periudha e funksionimit të dy termocentraleve bërthamore në Belgjikë që ishin planifikuar të mbylleshin në vitin 2025, u zgjat edhe për dhjetë vite të tjera. Veç kësaj, vendi planifikon të zgjasë periudhën e funksionimit edhe të dy reaktorëve të tjerë, të cilët do të mbylleshin këtë dimër.
Holanda
Me një reaktor bërthamor, Holanda njoftoi planet e investimeve edhe për dy reaktorë të rinj bërthamorë.
Polonia
Polonia gjithashtu planifikon të ndërtojë gjashtë reaktorë të rinj bërthamorë.
