Ish presidenti i vendit Sali Berisha u është përgjigur me një status në FB, komentit që Ambasada Ruse bëri sot mbi deklaratat e djeshme të Berishës, mbi gazsjellësin TAP.
Në statusin e tij, Berisha thotë se rusët i përdorët të gjitha linjat korruptive të gazit për të sabotuar e në rast se ai hiqte dorë prej TAP-it dhe mbështeste ITIG-in, pala ruse ofronte ndërtimin e një gazsjellësi IGumenicë- Vlorë, si dhe investimin e 4.1 miliartë dollarëve në hidrocentrale të mëdha gazi dhe në Seman.
Komenti i bërë nga Ambasada ruse sot për deklaratat e Berishës mbi TAP-in
“U habitëm nga fjalët e Sali Berishës se 10 vjet më parë ai refuzoi rryshfetin gjoja të propozuar nga Gazprom për zhvillimin e projekteve energjetike në Shqipëri. Na lind natyrshem pyetja: sa kërkoi zoti Berisha që as Gazpromi nuk mundi t’i mbledhë dot ato “shuma përrallore”?”
Sa më poshtë statusi i pakmëparshëm i Berishës, në përgjigje të reagimit të Ambasadës Ruse.
“Lidhur me deklaratn time te djeshme per perpjekjet korruptive te Gaspromit prane meje per te sabotuar TAP, ambasada ruse ne Tirane ka reaguar sot duke pyetur: Sa leke kerkoi zoti Berisha qe Gazpromi nuk i mblodhi dot?
Lidhur me kete reagim, tipik provokativ te stilit sovjetik te perfaqesuesve te diktatorit Putin, sqaroj publikun sa vijon!
1-Gazprom dhe qeveria ruse bene çfare kishin ne dore dhe perdoren te gjitha linjat korruptive te gazit te tyre per te bllokuar projektin e TAP.
2- Ne javen e pare te gushtit te vitit 2011 nje mik i imi biznesmen i njohur turk me solli nga presidenti i Gazprom mesazhin qe vijon:
“ne rast se une do te hiqja dore nga projekti i TAP-it dhe te mbeshtesja projektin ITGI, i cili anashkalonte Shqiperine dhe kalonte ne trajektoren Turqi- Greqi-Itali dhe qe furnizohej kryesisht me gaz rus por dhe azer pala ruse ofronte:
-ndertimin e nje gazsjellesi Igumenice-Vlore me mundesi shtrirje edhe deri ne Shkoder.
-Investimin prej 4.1 miliarde dollare ne termocentrale te medha gazi ne Seman.
-Keto do vendoseshin ne nje takim qe do zhvillohej midis meje dhe presidentit te Gaspromit.
Oferta u refuzua prereas per arsye politike nga ana ime. Nuk pranova investimet e Gasprom se besoja, dhe koha me dha te drejte, se ato nuk ishin ne interes te vendit tim. Ju bete gjithshka qe TAP te mos behej dhe deshtuat! Sb”
