Teksa ministri i Punëve të Jashtme ruse Sergei Lavrov deklaron se bisedimet mbi neutralitetin e Ukrainës janë në udhë të mbarë, presidenti ukrainas, Volodymyr Zelensky i ka drejtuar Kongresit Amerikan një apel të fortë ku kërkon mbështetjen e amerikanëve në luftën që vendi i tij po bën me Rusinë.
Bisesa, e cila u mbajt si një bashkëbisedim onlajn me anëtarët e Kongresit, u zhvillua në një kohë kur SHBA-të janë nën presion nga ana e Ukrainës, që ajo t’u ofrojë një mbështetje më të madhe ushtarake, teksa lufton kundër sulmeve vdekjeprurëse të Rusisë.
Ndërkohë që iu drejtua Bidenit dule i kërkuar sërish no-fly zonë mbi Ukrainë, për të mbrojtur civilët, e po ashtu dhe dërgimin e avionëve luftarakë, Zelenski iu referua momenteve tragjike të historisë amerikane, si Pearl Harbor.
“Miq amerikanë”, tha mes të tjerave ai “në historinë tuaj të madhe, kini faqe që ju lejojnë të kuptoni ukrainasit, e t’i kuptoni pikërisht tani, kur ata kanë nevojë për ju”.
Gjatë bashkëbisedimit u shfaq edhe një video me bilancet tragjike të luftës, video e cila, mbyllej me fjalinë “Mbylli qiejt mbi Ukrainë”.
