Është arrestuar së bashku me një grup prej 13 personash këngëtarja Elsa Lila. Lajmin e bën të ditur media italiane “La Repubblica”, e cila sqaron se grupi është arrestuar për trafik droge dhe këngëtarja Lila mbante financat e drogës.
Policia thuhet në “La Republicca”, ka arrestuar një organizatë që merrej me shpërndarjen e drogës, përbëre prej 13 personave, italiane dhe shqiptarë. Mëngjesin e ditës së mërkurë, hetuesit e skuadrës në terren të Romës e të Viterbos, kanë zbatuar 13 urdhër arreste, kërkuar prej Drejtorisë Distriktuale të Antimafias së Romës. Mes 13 të arrestuarëve, spikat emri i Elsa Lilës, një këngëtare shume e njohur në Shqipëri, e cila mbante llogaritë e drogës. I përfshirë gjithashtu është edhe boksieri Petrit Bardhi, thirruar “Titi”, i hasur më parë, në korrik të 2015-s, në një tjetër operacion të “Guardia di Financa”, së bashku me Arben Zogun (Rikardinon).
Rikardinoja, Titi dhe Pluto, ishin bërë pjesë të një klani italo-shqiptar drejtuar prej vëllezërve Guarnera, që merrej me trafik droge”, thuhet mes të tjerave në shkrimin e “La Repubblica”-s.
