Në një konferencë të drejtëpërdrejtë nga fejsbuku i tij, kreu i qeverisë Rama u shpreh se ai dhe Partia Socialiste e kanë kryer detyrën e tyre ndaj të vrarëve të 21 janarit 2011, përkundër shumë akuzave në kurriz të tyre, pse nuk janë gjendur ende fajtorët që shkaktuan vdekjen e 4 njerëzve në bulevardin “Dëshmorët e Kombit”, përpara Kryeministrisë. Ai u shpreh se Reforma në Drejtësi e ndërmarrë nga Partia Socialiste, qe edhe shpagimi më i denjë për jetët e humbura janarin e 2011 në radhët e socialistëve.
Meritojnë të gjithë një koment ata që thonë se fajin e kam unë dhe e ka qeveria, tha Rama mes të tjerave në këtë komunikim onlajn. Pse fajtoret e vërtetë ende janë të lirë e madje vazhdojnë të japin edhe shfaqem seriale përplasesh të dhunshme në mes të tiranës. Unë nuk hyj tek njerëzit që u shmangen përgjegjësive, e as tek ata që nuk dinë të kërkojnë ndjesë, kur jam apo ndihem përgjegjës qoftë edhe moralisht, por për këtë jo vetëm që nuk shjoh realisht asnjë asrye për t’u menduar dy herë përballë kësaj akuze, por dëshiroj që ta dëgjoni me vemendje. Unë sinqerisht besoj se ne e kemi shlyer atë pjesë detyrimi që na takon për dëshmorët e 21 janarit, vazhdoi Rama, dhe këtu nuk e kam fare fjalën për shpalljen dëshmor apo cfarëdo lehtësie që mund t’u kemi krijuar familjarëve të tyre të shkëlqyer. Jo. Këtu e kam fjalën për Reformën në Drejtësi, e cila përgojohet përditë nga kundërshtarët e saj, e cila denigrohet përditë nga armiqtë e saj, e cila përbaltet dhe masakrohet përditë, foltore më foltore, brave më bravë, portal më portal, por që është pa asnjë dyshim guri i themelit të munguar në këtë shtet, ku drejtësia nuk ka qenë kurrë e drejtë, s’ka qenë kurrë e barabartë, s’ka qenë kurrë drejtësi, por ka qenë ose një grur në duart e pushtetit për të vrarë e sakatuar armiq sipas oreksit të diktaturës së proletariatit, ose një gur për pazarllëqet me të drejtën e të tjerëve, në daç para komunizmit e në daç pas komunizmit.
Dhe për herë të parë, duan sduan ata që nuk duan, qysh nga krijimi i shtetit shqiptar, është vënë një gur themeli për Drejtësinë në Shqipëri, me Reformën në Drejtësi, dhe këtë gur e ka vënë kjo shumëcë qeverisëse, kjo parti në pushtet, nën drejtimin tim natyrisht, e në bashkëpunim me aleatët e ngushtë të Shqipërisë, Amerikën dhe Evropën, tha Rama mes të tjerave, duke e vënë theksin edhe tek rihapja e dosjes së Gërgecit, e cila aktualisht është në duart e SPAK-ut.
