Po bën xhiron e rrjeteve sociale rrëfimi i një planifikueseje dasmash, e cila përmes një video të drejtëpërdrejtë në tik-tok ka rrëfyer se ka qenë e pranishme në përpjekjen e një vjehrre për të helmuar nusen gjatë ceremonisë së dasmës.
Sipas asaj që rrëfen planifikuesja e dasmës, nusja qe alergjike nda kokosit, ndaj të gjithë ëmbëlsirat i kishte porositur pa këtë përbërës. Por, pikërisht ajo vetë, gjatë aperitivit, kishte vënë re praninë e një tabakaje me cupcakes.
Kisha dhënë udhëzime të sakta, kokosi qe i ndaluar, thotë gjatë videos organizatorja e dasmave, e cila e rrëfen ngjarjen si një prej më të çuditshmeve që i ka ndodhur në profesionin e vet. Dhe kur pyeta se kush i kishte sjellë ato ëmbëlsira, m’u përgjigj e ëma e dhëndrit: “Doja të isha e sigurt qe kishte ëmbëlsira për të gjithë”. Nuk thashë gjë, se nuk është e pazakontë, që të afërmit të shqetësohen që gjërat të venë mirë gjatë ceremonive.
Vetë organizatorja nuk e kishte vënë aspak re përbërësin e ndaluar. Për fat, ai që e kishte vënë re, kishte qenë dhëndri. Teksa nusja kishte qenë duke marrë ëmbëlsirën prej saj, dhëndri e kishte ndalur menjëherë.
Kaluan 15 sekonda heshtje varri, rrëfen në videon tik-tok organizatorja e dasmave. Të gjithë kishin ngrirë, kurse dhëndri shihte syshqyer të ëmën. Në këtë pikë, flakë i kuq në fytyrë, nis t’i ulërasë të ëmës: “Je një njeri i tmerrshëm. S’e ke dashur kurrë këtë marrëdhënie! Kjo është një gjë tejet e ulët. Mund të kishte përfunduar në spital dhe të vdiste për shkak të shokut anafilaktik!”
Por fundi qe edhe më i tronditshëm, vazhdon organizatorja e dasmave. E ëma e dhëndrit mori gjërat e veta dhe bëri të largohej nga ceremonia, por përpara se të braktisë sallën, nuk ngurroi t’i ndillte të birit edhe ndonjë të keqe tjetër të mundshme në vazhdim. Aksidentet ndodhin çdo ditë, bir, – i tha teksa ikte.
@_cal_cifer Reply to @baileybuttars She was nuts. ##weddingplanning ##motherinlaw ##storytime ##weddingvenue ##weddinghorrorstory ##weddingtiktok ##motherinlaw
♬ original sound – Callie
