Teksa vijojnë hetimet për atë që mund të quhet më së miri vjedhja e vitit, gazetarët në studion e gazetarit Fevziu mbrëmjen e djeshme kanë nxjerrë në dritë të tjera të dhëna mbi Alda Klosin, zyrtares së cilës iu vodhën shuma të mëdha kesh në shtëpi prej pastrueses së saj.
Përgjatë bashkëbisedimit, gazetarët kanë bërë me dije se zonja Klosi ka mbajtur përherë poste të larta në administratën publike, sidomos në institucionet e drejtuara nga Ahmetaj, e se ajo pavarësisht se ka deklaruar se rronte me qira, kishte në emër të saj edhe tri a katër apartamente, të cilat ia kishte dhuruar nusja e xhaxhait.
Kjo është e verifikuar me burime, me njerëz të cilët kanë punuar me të, ka deklaruar gazetarja Fatjona Mejdini në Opinion. Është i verifikuar, ka pasur edhe një deklaratë. Zonja është paraqitur edhe në komisionin e inceneratorëve përkrah Ahmetaj në momentin kur ka bërë dëshminë e vet në komisionin parlamentar dhe ka qenë funksionare e nivelit të lartë. Zoti Ahmetaj ka deklaruar, ndërsa zonja i ka ndenjur në krah për ta mbështetur me dokumentacionin. Disa media sot kishin nxjerrë edhe një deklaratë të zonjës ku referonte që Ministria e Financave të asaj kohe ishte dakord me ndërtimin e inceneratorit të Tiranës nëse kjo përballohej nga bashkia e Tiranës. Nga ana tjetër, pas kësaj karriere në Ministrinë e Financave, zonja ka lëvizur dhe ka shkuar në një pozicion të rëndësishëm, përsëri me ish-ministrin Ahmetaj, kësaj radhe në ministrinë e shtetit për rindërtimin, që ndodhi pas tërmetit të 2019. Aty ka mbajtur pozicionin e shefes së kabinetit. Unë kam parë në rrjetet sociale fotografi, shkëmbime ku zonja fliste për rindërtimin dhe përpjekjet që po bëheshin në këtë drejtim. Nga ana tjetër, me shkrirjen e kësaj ministrie për shtetin, funksioni i fundit që ajo mesa duket është punonjëse është Agjencia e Mbikëqyrjes Financiare, këtu nuk është e qartë se çfarë pozicioni ka pasur. Domethënë edhe pozicionet e larta në administratën shtetërore janë ato që i hedhin më shumë benzinë zjarrit dhe shtojnë akoma më shumë dyshimet.
Ndërkohë që gazetari Jul Kasapi ka deklaruar se Alda Klosi përveç parave që i kishte vjedhur Dobi, zotëronte edhe tri-katër apartamente, të cilat ia kishte falur nusja e xhaxhait: Zonja Klosi, rezultojnë në emër të saj 3 ose 4 apartamente në zona të ndryshme të Tiranës, tha Kasapi. Këto apartamente që bëhet kjo lidhja, më parë kanë qenë në emër të gruas së xhaxhait të saj. Dhe vetëm para 1 viti këto apartamente, 3 ose 4, janë bërë me dhurim nga gruaja e xhaxhait të saj tek vetë ajo”, u deklaroi ai, teksa shprehu habinë se si një njeri ka 3-4 apartamente, banon me qira, dhe mban kesh 1 në shtëpi rreth 20 mijë euro.
Po sipas gazetares Mejdini, Alda Klosi ka qenë drejtoreshë e koncensioneve, në kohën kur janë dhënë, duke theksuar rolin e kësaj ndodhie, në zbulimin e mëtejshëm të korrupsionit të rangjet e zyrtarëve të lartë.
Zonja, tha Mejdini nga shkurti i 2026-s deri më prill të 2017-s në kohën kur zot Arben Ahmetaj , ka qenë ministër i Financave dhe Ekonomisë dhe ka dhënë pëlqimin për dy nga inceneratorët, atë të Fierit dhe atë të Tiranë, zonja ka qenë drejtoreshë e koncensioneve në këtë ministri.
Aktualisht Alda Klosi punon në Autoritetin e Mbikqyrjes Financiare, edhe pse gazetarët nuk janë të qartë në specifikimin e pozicionit të saj atje.
