Kreu i qeverisë Rama ka bërë me dije se dy satelitët që do të monitorjojnë Shqipërinë në cdo cep të vetin, Albania 1 dhe Albania 2, do të lëshohen në hapësirë javën e parë të dhjetorit, prej Kennedy Space Centre në Florida të SHBA.
Gati për tu lëshuar në hapësirë javën e parë të dhjetorit, nga Kennedy Space Centre në Florida të SHBA, shkruan Rama në fejsbukun e tij, dy sytë superteknologjikë që do të monitorojnë Shqipërinë nga lartësitë, me një precizion të lartë dhe qartësi të plotë figure deri në 75 cm2; Satelitët e ALBANIA 1dhe ALBANIA2. Shqipëria do të ketë përdorim ekskluziv të tyre, për përpunimin e Informacionit Gjeohapësinor (GIS) si dhe ofrimin e produkteve të imazherisë dhe komponentëve të tjerë të saj, e një sërë institucioneve e subjekteve, publike ose private, puna e të cilave lidhet me territorin, ujërat, pyjet, zjarret, mbetjet urbane, prodhimin bujqësor, zhvillimin urban, titujt e pronësisë, e me radhë
Me këtë investim 6 milion dollarësh, Shqipëria do të ketë një informacion më të pasur se c’bëhet në të, për të ndërtuar me gjasa e si rrjedhojë edhe politika më të mira për mbarëvajtjen e vendit.
