Rreth katërqind shqiptarë kanë mbetur të bllokuar pa dokument identifikimi pas një uljeje emergjente në Puglia.
Përafërsisht katërqind shqiptarë të dy fluturimeve Wizzair me destinacion Tiranën nga Bolonja dhe Bergamo, kanë zbarkuar në Aeroportin e Brindizit në orën 3:00 të mëngjesit të ditës së sotme, për shkak të motit të keq mbi aeroportin shqiptar.
Situata ka shkaktuar protestën e pasagjerëve, një pjesë e të cilëve kanë hyrë me forcë nëpër porta, duke thyer kordonet e sigurisë e pushtuar pistën.
Të tjerë kanë pranuar ofertën e kompanisë për të marrë një autobus zëvendësues për në Fiumicino, për të hipur më pas në një traget për në Tiranë.
Sipas mediav italiane, po shqyrtohet gjithashtu mundësia që 150 pasagjerë të mbërrijnë në Shqipëri me një traget që niset nga Brindisi këtë pasdite dhe që do të shkojë në Vlorë. Aeroporti po monitorohet nga policia, karabinierët dhe ushtarët e Guardia di Finanza për të parandaluar ndërprerje të mëtejshme të rendit publik.
Deri më tani, protesta nuk ka shkaktuar vonesa në fluturimet që mbërrijnë ose nisen nga Brindisi.
Protesta është duke vazhduar ende dhe dhjetëra pasagjerë ende protestojnë, duke kërkuar rikthimin e menjëhershëm në Shqipëri.
