Presidenti rus Vladimir Putin ka njoftuar ditën e sotme mobilizimin e pjesshëm në popullatës ruse, meqë lufta në Ukrainë po bën thuajse shtatë muaj që prej fillimit të saj.
Fjala e Putinit drejtuar popullit, sqaron agjencia e lajmeve AP, vjen një ditë pasi rajonet e kontrolluara prej Rusisë në Ukrainën lindore dhe jugore, deklaruan se do të votonin për t’u bërë pjesë integrale e Rusisë.
Përpjekjet e Rusisë për gëlltitur katër rajonet, mund të përgatisin terrenin për një intensifikim të luftës, pas sukseseve të Ukrainasve në fushën e betejës, thekson agjencia e lajmeve AP.
Referendumet, që priteshin të mhabeshin që në fillimet e konfliktit, do të nisin të premten në rajonet e Luhanskut, Khersonit, Zhaporizhës dhe Donteskut, që kontrollohen pjesërisht prej rusëve.
Sa i takon mobilizimit të pjesshëm, Putin njofton AP ka deklaruar se pritet të nisë të mërkurën e se do të përfshijë vetëm atë pjesë të popullsisë që ka një farë specializimi ushtarak.
“Në agresivitetin e vet politik anti-rus, Perëndimi ka kapërcyer cdo limit. Janë ata që na kërcënojnë me e armëve atomike. Por unë i them Perëndimit: kemi mjaftueshëm armë që t’ju përgjigjemi. Dhe do të përdorim cdo mjet për të mbrojtur popullin tonë. Dekreti është firmosur dhe do të njoftohen përmes dokumentave zyrtare Duma dhe Këshilli Kombëtar. Dekreti për moblizimin nis që sot. Po flasim për një mobilizim të pjesshëm, pra, vetëm qytetarët që janë aktualisht rezervë, do të përfshihen, e mbi të gjitha, ata që kanë shërbyer në forcat e armatosura dhe kanë një farë specializimi ushtarak dhe një farë ekperience. Do të jenë krerët e rajoneve të ndryshme ata që do të merren me rekrutimin e sasisë dhe brenda kohës së përcaktuar nga ministria Mbrojtjes. Qëllimi i Moskës në Ukrainë mbetet: Çlirimi i tërë Donbasit!. ”, thuhet të ketë deklaruar mes të tjerave kreu i Rusisë Vladimir Putin.
