Të tërë të pasionuarit pas fenomeneve qiellore, mund të admirojnë sot në qiell hënën më të madhe të vitit, quajtur ndryshe edhe si “superhêna e Drerit”.
Përgjithësisht emrat e hënave të plota huazohen prej kulturës së të parëve amerikanë, të cilët, për të shënuar muajt dhe vitet përdornin kalendarin hënor dhe jo këtë tonin, gregorianin. Secilës hënë të plotë, ata i vinin një emër që lidhej me një ndodhi natyrore në jetën e komunitetit.
Në rastin konkret, drerët mundësonin ushqyerjen, veshjen e të tjera gjëra dhe për kohën nderoheshin së tepërmi. Në korrik brirët e tyre bëheshin më të bukura, më të mëdha, më të harkuara e më të fuqishme në përpjekje e pritje pë t’u çiftuar, ndaj tributë vendosën t’ua dedikonin drerëve këtë muaj.
Ndërkaq, termi superhënë u referohet tërë hënave të plota të cilat verifikohen në pikën më të afërt të perigjeut (pa në pikën më të afërt me tokën). Dhe sipas astronomëve, kjo e sotmja është rreth 7% më e madhe dhe më e shndritshne se mesatarja.
