Ka bërë bujë lajmi mëngjesin e sotëm se prokurorë të Byrosë Kombëtare të Hetimit kanë trokitur që herët në derën e kryebashkiakut Veliaj.
Nga sa bëhet me dije prej gazetarëve, situate ka lidhje me Ajola Xoxën, bashkëshorten e kryebashkiakut Veliaj, e cila është kallëzuar para pak kohësh në SPAK, në lidhje me pasurinë.
Sipas gazetares Keti Banushi, “Bashkëshortja e Veliajt është kallëzuar në SPAK në lidhje me pasurinë. Ka qenë prokurori Olsi Dado i cili i ka dërguar shkresat disa bankave të nivelit të dytë disa kohë më parë, por ditën e sotme, me vendim të Gjykatës, ka vendosur edhe sekuestrimin e celularit të bashkëshortes së Veliajt Ajola Xoxa, vendim i cili është duke u ekzekutuar në ambientet e banesës së tyre, ku janë agjentë të Byrosë Kombëtare të Hetimit dhe avokatë të zonjës Xoxa.
Ky është një hetim që ka nisur pak muaj më parë dhe me vendim të Gjykatës është vendosur edhe sekuestroja e telefonit të ajola Xoxës. Deri tani ky është një informacion që kemi nga burimet, se nuk njoftuar ende nga Prokuroria e Posaçme, por dihet tashmë që Prokuroria e Posaçme, vepron në këtë mënyrë në raste edhe të ngjashme, kur ka nisur të tilla ngjarje”, u shpreh mes të tjerave në një lidhje direkte prej SPAK-ut gazetarja Banushi
