Është nënshkruar marrëveshja e parë mes vendeve të Ballkanit Perëndimor dhe BE-së, ajo e mbi tarifat roaming, e cila sipas kreut të qeverisë Rama “I hap rrugë nisjes së procesit për heqjen e tarifës roaming mes vendeve të Ballkanit Perëndimor dhe BE-së.
Sipas asaj që u deklarua përgjatë ceremonisë së nënshkrimit, kjo marrëveshje do të mundësojë uljen e tarifave roaming mes Ballkanit perëndimor dhe BE-së duke nisur që prej datës 1 tetor 2023.
Të pranishëm në këtë ceremoni, ishin gjashtë udhëheqësit e Ballkanit Perëndimor, presidenti i Këshillit të BE-së, presidentja e KE-së, Komisionieri për Zgjerimin, si dhe Sekretarja e Pergjithshme e Këshillit Rajonal të Bashkëpunimit.
