Një qendër prostitucioni, e cila figuronte si qendër masazhesh, ishte kthyer në shqetësim për banorët e pallatit e të zonës, të cilët e raportuan atë si rast pranë emisionit STOP në Klan. Nga pamjet e shfaqura prej emisionit STOP, vajza të reja që hiqeshin si masazhatore, prostituonin edhe kundrejt pagesës.
Ndërkaq, sot Policia e TIranës, bën me dije se ka arrestuar pronaren e kësaj qendreje masazhi. SIpas njoftimit të saj, janë arrestuar S. H., 21 vjeçe, epër veprat penale “Shfrytëzimi i prostitucionit” dhe “Mbajtja e lokaleve për prostitucion, e cila qe edhe pronarja e qendrës, si dhe dy vajza nga E. Y., 26 vjeçe dhe L. V., 25 vjeç, për veprën penale “Prostitucioni”.
Biseda e plotë e të infiltruarit të emisionit STOP në qendrën e masazheve që funksiononte si qendër prostitucioni
Smart SPA: Si je? Ke rezervuar?
Qytetari: Jo. Pse, duhet rezervuar?
Smart SPA: Jo mo, thjesht pyeta. Seanca 40-të kushton.
Qytetari: Sa minuta?
Smart SPA: 45.
Qytetari: Mund ta zgjedh vetë vajzën apo..?
Smart SPA: Normal që po. Mund ta zgjedhësh tani. Zgjidh ore, zgjidh. Ke të gjithë të drejtat e botës.
Qytetari: Zgjedh atë gocën me pink.
Smart SPA: E vështirë ishte? Jo.
Qytetari: Jo me.
Pasi futet në dhomën e masazhit, “klienti” i infiltruar i Stop e pyet masazhatoren për shërbime ekstra. Vajza thotë se për shërbimet “full ekstra” paguhen 100 mijë Lekë, plus 40 mijë Lekëshin e masazhit.
Qytetari: Ka ndonjë gjë kështu?
Smart SPA: Çfarë?
Qytetari: Ç’a thotë.
Smart SPA: Ç’a ndonjë gjë kështu?
Qytetari: Unë prandaj të zgjodha ty me pink.
Smart SPA: Pse? Pse më zgjodhe mua? E ke fik telefonin ti? Jo?
Qytetari: Fike.
Smart SPA: Ç’a do me bo ti?
Qytetari: G****e, noi të q***, varet ç’a.
Smart SPA: Po g*****a 50-të kushton veç masazhit. Edhe 50 të tjera. Ç’a do bësh?
Qytetari: Apo vetëm g****e?
Smart SPA: Vetëm atë pra.
Qytetari: Po pse ma prish qejfin?
Smart SPA: I do të gjitha ti? Do full ekstra pra? Full ekstra është 100.
Qytetari: 100 plus 40?
Smart SPA: Po.
Qytetari: Domethënë 140. Po kështu mund të prek unë ty?
Smart SPA: Po. Do ta bësh pak pagesën tani?
Qytetari: Sa lekë do?
Smart SPA: Po g****e 50.
Qytetari: Nuk e di sa lekë kam me vete, ja t’i shikoj pak. 60 mijë Lekë kam të tëra.
Smart SPA: Vetëm g****e, do bëjmë vetëm atë të voglën sot, se dhe unë s’jam për atë të madhen shumë.
Gjatë bisedës me të infiltruarin e Stop, vajza pranon se këtë punë e bën për shkak të vështirësive ekonomike dhe nuk ka mundësi të paguajë shkollën. Ajo thotë se vijnë edhe klientë të dehur të cilët shkaktojnë probleme.
Qytetari: Po ktë punën, si e gjete?
Smart SPA: Vetë, të çon halli.
Qytetari: Të çon halli! Pse më, ça hallesh ke ti?
Smart SPA: Si ça hallesh kam?
Qytetari: Eh më, ça hallesh ke?
Smart SPA: Po nuk kam ardhë për qejf ktu.
Qytetari: Jeni ngushtë ekonomikisht?
Smart SPA: Normal!
Qytetari: S’e përballoje dot shkollën, hë?
Smart SPA: Normal, që jo. Sa të mbyll dy gjëra besoj.
Qytetari: Pastaj do heqësh dorë?
Smart SPA: Normale!
Qytetari: Vijnë kshu klienta budallenj, hë?
Smart SPA: Sa të dush!
Qytetari: Aman, ça kërkojnë, më qafsh?
Smart SPA: Edhe e di, kur vijnë? Në fund fare, kur ti do me e mbyll turnin.
Qytetari: Në 1 të natës?
Smart SPA: Në 12, 1 vijnë ata.
Qytetari: Bëjnë kërkesa kshu?
Smart SPA: Bëjnë o, prandaj të çajnë kokën.
Qytetari: Ça kërkojnë kshu?
Smart SPA: Vijnë të pirë, o na plasin.
Qytetari: Po të pirë nxirri përjashta q…* r…*!
Smart SPA: Eh po të shef tjetra nga kamerat, pse s’e fusni për masazh klientin? Po mu ku më pe? Mbrapa frigoriferit?
Qytetari: Më tërhoqi kjo bluza, pinku.
Smart SPA: Ou..!
Qytetari: Eh..!
Smart SPA: Po edhe ajo para meje, ashtu e kishte.
Qytetari: Jo më, s’ishte pink, le që s’po e shifja fare njëherë.
Smart SPA: Kishte krahët ajo.
Qytetari: E pra…
Smart SPA: Me këmishë të zezë, sepse e zgjedhin shumë klientët atë. Nuk e di ça i bën klientëve ajo, sikur i hedh hirin. Ajo vetëm rri kshtu dhe e zgjedhin të gjithë klientët, që vijnë. S’e kuptoj pse-në.
Qytetari: Hajt lëvizim! Si e ke qejfin?
Smart SPA: Hajt lëvizim!
Qytetari: Mirupafshim!
Smart SPA: Mirupafshim! Ciao!
Qytetari: Ciao!
Pas “masazhit” në këtë qendër, i infiltruar i emisionit Stop takon inspektorin e policisë së zonës dhe pretendon se është banor i pallatit, duke u ankuar për këtë qendër. Punonjësi i policisë thotë se janë në dijeni të rastit, por nuk kanë prova konkrete.
Qytetari: Jam te ky pallati këtu te 12-katëshi, e kemi në kat të dytë atje një qendër masazhi.
Inspektori i policisë: Eh, është ajo Smart.
Qytetari: Qendër masazhi i thonë edhe…
Inspektori i policisë: Kurvëri thuaj ti.
Inspektori i policisë: Çfarë konstaton atje?
Qytetari: Unë kam vajzat, kam nusen, e ke parasysh, që vijnë e dalin shumë. Ndonjëri i pirë.
Inspektori i policisë: Bëjnë gjeste në rrugë apo rrinë aty? E kemi vëzhguar atë ne, e kemi si objekt në kat të dytë. Qiramarrje-qiradhënie janë, ne duhet të luftojmë fenomenin. Ai njeri që ka lidhur kontratën duhet ta zgjidhë me ata. E vetmja mënyrë për ta qëruar fare. Ata kanë edhe kamera aty. Ke parë ti, kanë kamera te dera?
Qytetari: Po.
Inspektori i policisë: Te dera jo, jo, vetë si biznes.
Qytetari: Nuk i kam vënë re po më duket se kanë.
Inspektori i policisë: Dyshohet për ushtrim prostitucioni aty.
Qytetari: Po të gjithë aty në lagje ashtu flasin për atë o burrë.
Inspektori i policisë: Flasin o flasin por edhe dy-tre herë që kanë ndërhyrë këto shërbimet tona, se ne e kemi raportuar atë, por prapë gjithsesi faleminderit. Do ta shikojmë prapë atë e do lidhem me eprorët. Ty të tha njeri apo e konstatove vetë atë si fenomen? Apo të tha ndonjë aty te pallati?
Qytetari: Erdhi një njeriu jonë, një nga këto femrat e kishte çik kështu, dhimbje, e vajtëm ta çonim t’i bënim një masazh aty, doli një nga ata komshinjtë, çdo këtu i tha se këtu është kurvëri.
Inspektori i policisë: Domethënë kjo e juaja nuk hyri atje brenda?
Qytetari: Jo jo s’e nuk e hapën derën.
Inspektori i policisë: Kanë patur frikë se mos është provokim. Në qoftë se konstaton ndonjë mjet që shikon, ku ka targë, që vjen bie ndonjë person, do më ndihmosh, se ne ja kemi bërë, do ja bëjmë hyzmetin dhe në punë të tjera. Në çfarë ore? Deri në orën 11 apo ka dhe çik më tej?
Qytetari: Deri në 1 e 2 o burrë.
Inspektori i policisë: I kemi proceduar 10 milionë Lekë për objektin. Janë shoqëruar persona, janë nisur materialet për prokurori.
Qytetari: Deri në 2 të natës o burrë. Le që vijnë dhe të pirë o burrë. Tani ne jemi familjarë aty. Ok, unë ju falenderoj. Shumë faleminderit.
Njoftimi i plotë i Policisë Tiranë:
“Finalizohet operacioni policor i koduar “Camouflage 22”, pas hetimeve disamujore. Operacioni policor i zhvilluar nga Seksioni për Hetimin e Trafiqeve të Paligjshme. Shfrytëzonte qendrën e masazheve për aktivitetin e kundërligjshëm të prostitucionit, vihet në pranga administratorja. Gjithashtu arrestohen në flagrancë punonjësja e qendrës së masazheve, së bashku me një klient. Specialistët e Seksionit për Hetimin e Trafiqeve të Paligjshme në DVP Tiranë, në vijim të punës për goditjen e paligjshmërisë, pas një pune të mirëfilltë hetimore disamujore, si dhe pas transmetimeve të pamjeve filmike në një nga emisionet investigative, u finalizua operacioni policor i koduar “Camouflage 22”, në kuadër të të cilit u bë arrestimi në flagrancë i shtetasve: – S. H., 21 vjeçe, për veprat penale “Shfrytëzimi i prostitucionit” dhe “Mbajtja e lokaleve për prostitucion”; – E. Y., 26 vjeçe dhe L. V., 25 vjeç, për veprën penale “Prostitucioni”. Shtetasja S. H. administronte një qendër masazhesh në rrugën “Luigj Gurakuqi”, në të cilën kishte punësuar shtetasen E. Y., dhe përveç aktivitetit të regjistruar ligjërisht si qendër masazhesh, ushtronin dhe aktivitetin e kundërligjshëm të prostitucionit. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale. Drejtoria Vendore e Policisë Tiranë falënderon mediat dhe qytetarët që denoncojnë rastet e paligjshmërisë dhe i fton sërish ata që të denoncojnë çdo rast paligjshmërie në Komisariatin Dixhital dhe 112, duke iu garantuar anonimat të plotë dhe reagim të menjëhershëm e të paanshëm.”
