Profesori i Kriminalistikës Ervin Karamuço u ka bërë apel përmes fejsbukut të tij prindërve dhe medias sa i takon lojës bën “Blackout Challenge” në Tik Tok.
Fatkeqësisht ajo vrau sërish në Shqipëri, shkruan Karamuco. Loja “Blackout Challenge” në Tik Tok, i mori jetën një të mituri 13 vjeçar në Lushnjë, ndërsa një 10 vjeçar në Shkodër vdiq vetëm 6 muaj më parë. Loja e mallkuar është ende e panjohur për autoritetet tona. Ajo po nxit në mënyrë kriminale fëmijët të asfiksohen për zbavitje dhe garë midis tyre. Kjo duhet ndaluar me çdo kusht, siç po bëjnë shumë shtete evropiane. Apel prindërve të jenë vigjilent… Apel gazetarëve për sensibilizim publik…
Kujtojmë një jo më larg se sa ditën e djeshme, një djalosh 13 vjeçar në Golem të Lushnjes, është gjendur në dhomën e tij i varur me spango në qafë dhe, sipas deklaratave të bashkëmoshatarëve të tij shpërndarë në media, djaloshi qe përdorues i rrjeteve sociale, e një nga dyshimet për vdekjen e tij, lidhet me bërjen e një videoje tik-tok. Sipas Dosja.al, në këtë rrjet social ai mbante emrin ‘Djali i keq’ dhe ndante imazhe depresive, dhune e vetmie, ndërsa shkrimet e tij tregonin një gjendje depresioni të rënduar e tejet të vetmuar.
