Policia e Shtetit ka deklaruar përmes një statusi të vet në fejsbuk se po bëhet gati të ndërhyjë në përplasjen mes demokratëve, me qëllim për të minimizuar dëmet. Sipas statusit të saj, kërkesa për ndihmë ka ardhur nga një grup deputetësh të PD-së, pasi u rrezikohej jeta nga protestuesit.
Statusi i plotë i Policisë së Shtetit
Në bazë të një kërkese të bërë Policisë së Shtetit, nga një grup deputetësh të Partisë Demokratike, të cilët kanë kërkuar ndihmën e Policisë, pasi i rrezikohej jeta nga protestuesit, sqarojmë se:
Policia e Shtetit është gati për të ndërhyrë në ndihmë të deputetëve që kanë kërkuar ndihmë dhe u bën thirrje protestuesve që të distancohen menjëherë nga aktet e shkatërrimit të pronës dhe aktet e dhunës.
Policia e Shtetit u bën thirrje organizatorëve të protestës që të përmbajnë protestuesit dhe të shmangin çdo rast dhune, sepse do përballen me ligjin.
