Duket si nëpër filma, por bjë hetim gazetaresk kryer prej tri agjencive të lajmeve, ka demaskuar së fundmi një tridhjetëvjeçare ruse, e cila, nga sa përpiqen të argumentojnë ata, ka mundur të hyjë në qarqet e mondane të vendit, duke mbërritur kështu deri në majën e Aleancës Atlantike.
Lajmin e bën të ditur e përditshmja italiane “Repubblica”, në përfundim të një hetimi kryer me sajtin investigative “Bellingcat”, të përjavshmen gjermane “Der Spiegel” dhe “The Insider”.
Protagonistja e asaj që përcaktohet si “operacioni më i mahnitshëm i inteligjenës” realizuar nga Moska në Itali, shkruajnë autorët e hetimit, është tridhjetëvjearja Mara Adela Kuhfeldt Riviera, e lindur në Peru me baba gjerman. Por ky është thjesht indentiteti fals i saj, sepse emrin e vërtetë, kjo grua e infiltruar prej më tepër se dhjetë vitë në qarqet e larta, duke mbërritur në majën e Aleacnës Atlantike, është Olga Kolobova, e bija e një zyrtari rus.
“Gjurma kryesore që e lidh me shërbimet e Moskës”, – shpjegon Repubblica – “është pasaporta ruse e përdorur për të hyrë në itali: i përket të njëjtës seri të përdorur prej 007-ave të Gru, inteligjencës ushtarake nën urdhërat e Kremlinit. Hetimi ynë, nuk ka mundur të zbulojë dot se çfarë informacionesh janë mundur të merren prej kësaj spiuneje, dhe as nëse ka qenë e aftë të fusë virusë informuesë nëpër telefonat apo kompjuterat e miqve të saj. Por ajo ka mundur të hyjë në kontakt me figura kyçe të NATOS e të Marinës amerikane, gjë që asnjë agjent rus nuk kishte mundur ta bënte dot, duke depërtuar deri në majë të Aleancës Atlantike”.
Sipas informacioneve të gazetarëve investigativë, gruaja është një tridhjetëvjeçare e shkathët që zotëron gjashtë gjuhë, duke ngritur ndërkaq edhe një ndërmarrje për prodhimin e bizhuve, për t’u katapultuar më pas në qarqet mondane të Napolit dhe inflitruar më pas mes personelit të bazës së NATOS dhe Flotës VI amerikane, pra kokës operative të fuqisë ushtarake perëndimore në Evropë. “Një Mata Hari moderne, e cila spikaste për mënyrat e saj të joshjes, duke lënë një radhë zemrash të thyera, përpara se të shkonte një herë e mirë”, shprehen gazetarët. “Kishte përuruar një konept gallery, ku morën pjesë shumë njerëz, arriti të hynte në Lions Club Napoli Monte, që përdorej prej krerëve të Natos në liqenin e Patrias, duke ndërtuar kështu një rrjetë të përsosur ku mund të kishte kontakte me një sërë ushtarakësh të NATO-s”.
Vetë gazetarët e hetimit sqarojnë më tej se nuk kanë informacion nëse Olga Kolobova ka mundur të futet brenda bazës së NATO-s, në Napoli.
Ajo që ata theksojnë, është që në 2018-n, si me magji, e reja magjepsëse, niset për në Moskë, prej nga nuk është kthyer më.
