Vetëm tri ditë para zgjedhjeve të përgjithshme në vend, Elbasani është tronditur nga një përplasje e egër elektorale, ku ka mbetur i vrarë një shtetas dhe janë plagosur tri të tjerë.
Në deklaratën e saj mbi ngjarjen, policia e shtetit ka njoftuar, se ngjarja ka ndodhur ditën e djeshme, rreth orës dy të drekës në lagjen “5 Maji”’ në Elbasan, dhe nga konflikti me armë zjarri, ka mbetur i vrarë një person, ndërsa janë plagour tri të tjerë, përfshi një efektive policie.
Ndërkaq, sipas policisë është vënë në pranga autori i vrasjes, një ish punonjës policie, dhe po punohet për zbarjedh e mëtejshme të ngjarjes.
Deklarata e Policisë së Shtetit:
Më datë 21.04.2021, rreth orës 14:00, në lagjen “5 Maji”, Elbasan, gjatë një konflikti është vrarë me armë zjarri shtetasi P. XH., si dhe janë plagosur shtetasit E. P., P. V. dhe E. B. Gjithashtu, në përpjekje për të parandaluar krimin është plagosur edhe punonjësja e Policisë e forcës së posaçme “Shqiponjat”, XH. S. Menjëherë në ndihmë të patrullës kanë shkuar shërbime të tjera të Drejtorisë Vendore dhe të Komisariatit të Policisë Elbasan, si dhe janë ngritur pika kontrolli në të gjitha akset rrugore në hyrje dhe dalje të qytetit të Elbasanit. […] Ndërkohë janë shoqëruar në Drejtoritë Vendore të Policisë Elbasan dhe Tiranë, disa persona të dyshuar se kanë dijeni apo lidhje me ngjarjen, si dhe është bërë e mundur vënia në pranga e autorit të vrasjes, shtetasi A. P., ish punonjës police.
