I vënë në qendër të kritikave për tërheqjen e beftë të trupave amerikane nga Afganistani, pas largimit edhe të ushtarit të fundit amerikan prej Kabulit, presidenti amerikan Joe Biden, në një fjalim drejtuar popullit amerikan dje, e ka cilësuar një sukses të madh tërheqjen e trupave prej Afganistanit.
Teksa përmbyllen 20 vite lufte, konflikti, dhimbjeje dhe sacrifice, tha ai mes të tjerave, ka ardhur koha të shohim përpara. Patëm vetëm një rrugëzgjidhje. Të vazhdonim punën e administratës së mëparëshme dhe ta linim Afganistanin, ose të thoshim që do të shkojmë e të shpinim në luftë me mijëra ushtarë. Nuk kisha ndërmend ta zgjasja përjetësisht këtë luftë, ashtu sic nuk kisha ndërmend të tërheqjen e përjetshme.
Shtetet e Bashkuara mbeten të vendosura të largojnë nga Afganistani të gjithë qytetarët amerikanë që dëshirojnë, tha mes të tjerave Biden. Jemi ende larg të të mbaruarit përfundimisht. Si kryekomandanti në detyrë, besoj me zemër se mënyra më e mirë për të mbrojtur sigurinë tonë, është përmes një strategjie të fortë, të pamëshirëshme, të llogaritur e të saktë, që e ndjek terrorin ku gjendet sot, e jo ku ka qenë dy dhjetë vjeçarë më parë.
Sipas statistikave referuar nga mediet e huaja, gjatë 20 viteve të fundit lufta në Afganistan ka shkaktuar thuajse 2500 viktima amerikane, plus 13 të tjerë në minutat e fundit të tërheqjes, dy javë pasi talebanët morën kontrollin e vendit të shkatërruar nga lufta, më 15 gusht.
Deri më tani, po sipas të dhënave nga aeroporti i Kabulit, janë nxjerrë më shumë se 79 mijë civilë, përfshi 6000 amerikanë dhe rreth 74.500 afganë dhe qytetarë të vendeve të treta.
