Kreu historik i PD-së Berisha, pas përfundimit ditën e djeshme të Kuvendit që shkarkoi me 4449 vota Bashën nga kryetar i Partisë, ka zhvilluar ditën e sotme një “Foltore” me shqiptaro-amerikanët në Florida. Gjatë bashkëbisedimit me ta, ai e ka cilësuar Bashën thjesht si deputeti Basha, duke akuzuar në mënyrë të drejtëpërdrejtë ambasadoren amerikane Yuri Kim, për gjendjen e krijuar në Partinë Demokratike, duke theksuar edhe një herë afilimin e PD-së me Partinë Republikane amerikane
Dëshiroj t’ju njoh me zhvillimet më të fundit në Shqipëri, iu drejtua Berisha Shqiptaro-amerikanëve të Floridës, me përpjekjet e sukseshme të demokratëve shqiptarë, për rithemelimin e PD-së si një forcë politike, e vlerave tradicionale konservatore, më të mira të shoqërisë shqiptare, si një forcë e vlerave konservatore, aleate e forcave simotra në SHBA, Partisë Republikane dhe forcave të tjera konservatore nq Evropë. Ne dje, patëm kuvendin e jashtëzakonshëm të PD-së. Ky Kuvend ishte më i jashtëzakonshmi që është mbajtur ndonjëherë në historinë e pluralizmit të vendit, por ishte më i jashtëzakonshmi ndofta edhe në historinë e pluralizmit të vendeve të tjera, sese ky ishte kuvendi i parë që mblidhej me firmat e anëtarëve të kuvendit të PD-së, pasi udhëheqja e kësaj partie, nuk pranonte ta mblidhte Kuvendin, sepse e dinte që Kuvendi do tu tregonte vendin e merituar për shtrembërimin që i kishin bërë statutit të PD, shkelmimin që u kishin bërë forumeve të PD, parimeve me të cilat qe ndërtuar kjo parti, për zhvendosjen e kësaj forceje, nga forcë konservatore, në një parti të majtë, tërësisht, e larguar nga vlerat tona të përbashkëta, liritë dhe të drejtat nejrëzore, besimet vlerat e familjes, e larguar nga interesi kombëtar, dhe dinjiteti nejrëzor. Për të gjitha këto, pas një konsulte dy mujore me atë që ne e quajtëm foltore, u mblodhën dhjetra mijëra demokratë e demokrate kundrejt presioneve të jashtëzakonshme të qeverisë që ka marrë peng udhëheqjen e PD, por duhet ta pranojmë, edhe presione të ish kreut të partisë Basha, sot deputeti Basha, i asistuar edhe nga ambasadorja e Amerikës në Shqipëri Yuri Kim, e cila me ndërhyrjet e saj, është kataliste e gjendjes së krijuar. Faktikisht, e marrjes peng të opozitës nga qeveria, tha mes të tjerave Berisha në fjalën e tij.
