Papa Francesku ka mbajtur për herë të parë një meshë publike në tokën irakene, në Katedralen e Shën Jozefit në Bagdat.
Ngjarja historike u zhvillua nën masa të rrepta sigurie dhe në praninë e pak vetave, dhe qe pjesë e programit katërditor të Papës së në këtë vend.
Papa u takua edhe me liderin shpirtëror të shiitëve në Irak, Ajatollah Ali Al Sistanin, në Najaf, një vend pelegrinazhi ku Ajatollau rron.
Sipas medieve të huaja, lideri shpirtëror i shiitve, i deklaroi Papa Françeskut se kristianët e vendit të tij duhej të jetonin në paqe e siguri, me të drejta të plota, si të gjithë irakenët.
Veç të tjerave, Papa vizitoi edhe Urin, vendin ku ka lindur Abrahami, i cili ka luajtur një rol thelbësor tek besimet kristiane, hebraike dhe islame. “Këtu nisi gjithçka’’ mësohet të ketë thënë ai, duke e cilësuar Abrahamin si patriarkun e besimeve të ndryshme.
Papa Françesku kërkoi unitet mes besimeve. Armiqësia, ekstremizmi dhe dhuna, nuk lindin në një zemër fetare, tha ai, por janë tradhëti e fesë. Ne besimtarët s’mund të rrimë në heshtje, kur me terrorizmin abuzohet në emër të fesë. Jemi të kushtëzuar të sqarojmë keqkuptimet.
Pas takimit të Papa Françeskut me Ajatollahun Ali al Sistani, Iraku bëri me dije se tani e tutje 6 marsi do të festohej si “Dita Kombëtare e Tolerancës dhe e Bashkëjetesës”.
Në Irak, në një popullësi prej 38 milionë njerëzish, gjenden rreth 450 mijë kristianë.
