Pritet të nisë sot kontrolli në terren i rezervave të sigurisë së naftës, përcaktuar me VKM-në 208 të vitit 2004. Sipas kësaj VKM-je, në rast krizash apo situatash të jashtëzakonshme në vend, rezervat e sigurisë që duhet të mbajnë furnizuesit e naftës brenda vendit, është një sasi që mjafton për t’u furnizuar për 90 ditë.
Në fjalën e saj ditën e djeshme teksa paralajmëroi këtë kontroll në terren, Balluku përmendi jo vetëm detyrimet e furnizuesëve të naftës, por edhe sanksionet, mes së cilave edhe një gjobë sa 50% e kuotës së sasisë së caktuar, e cila do t’u vendosej furnizuesëve të naftës, nëse ata nuk do të siguronin rezervat e sigurisë sipas VKM-së.
Qeveria kërkon nga ju, tha ministrja e Infrastrukturës Balluku, që ju të përmbushni rezervat faktike që ju duhet të keni. Rezervat faktike dallin përmes një përrllogaritje qe dalin nga ministria e Infrastrukturës, përmes konsumit dhe shitjes që ju keni bërë në vitin pararendës. Ministria i ka të gjitha të dhënat, që ne na dorëzohen nga Doganat, Tatimet dhe Ministria e Financave, dhe janë të qarta dhe transparente të gjitha të dhënat e sigurisë, që gjithësecili prej jush duhet të mbajë, pra për mbulimin e nevojave kombëtare, në nevoja krize dhe situatash të jashtëzakonshme, brenda terriorit të vendit, që rafineritë e naftës dhe shoqëritë e tregtimit me shumicë, janë të detyruara të mbajnë rezerva sigurie.
Këshilli i Ministrave, tha Balluku, përcakton kadegoritë e naftës dhe të nënprodukteve të saj, të cilat duhet të mbahen në rezervat e sigurisë brenda vendit, dhe ato janë: Nafta brut/ Gazi I lëngshëm I naftës/ Benzinë automjetesh të fluturimit ajror/ Gasoil/ Lëndë djegëse për mjetet e flututimit ajror reaktiv dhe solar. Këto rezerva sigurie, duhet të jenë të barabarta me 90 ditë mesatare shitjeje, sasi që llogaritet mbi të dhënat faktike të veprimtarisë se vitit të mëparshëm. Mirë do të ishte të deklarohej prej jush pranë ministrisë së ligjiës, gatishmëria dhe sasia e rezervës që ju mbani, për të koordinuar sasinë që kemi llogaritur, që duhet të jetë e barazvlerëshme me atë që VKM saksionon. Në rast të mos sigurimit të rezervës së sigurisë, masa e gjobës është në vlerën e 50 % të produktit që mungon nga kuota e përcaktuar për rezervën e sigurisë.
Në fjalën e saj Balluku tha se furnizuesit e naftës do jenë të detyruar të shikojnë edhe kontratat e eksporteve, për shkak se sanksionet nuk do të ishin vetëm finaciare, por edhe detyrim shërbmi: “Duhet te jeni të detyruar të rishikoni edhe kontratat e eksporteve që aftës që ju shisni. Sanksionet nuk do të jenë vetëm finaciare, por edhe detyrim-shërbimi“, tha mes të tjerave ministrja e Infrastrukturës në fjalën e saj.
