Shoqatat e biznesit në Shqipëri, kanë kundërshtuar së fundmi vendimin e marrë nga qeveria shqiptare, për nxjerrjen e tyre në treg të lirë për blerjen e energjisë elektrike.
Sipas Entit Rregullator të Energjisë, aktualisht janë licensuar 26 kompani si furnizues, nga të cilët bizneset mund ta marrin këtë shërbim, e nëse nuk arrijnë të sigurojnë dot menjëherë një kontratë, mund të qendrojnë pranë Furnizuesit të Mundësisë së Fundit(pjesë e OSHEE Group).
Në deklaratën e përbashkët biznesi shqiptar shprehet se momenti aktual është i papërshtatshëm dhe do t’i ekspozojë ata ndaj kostove të jashtëzakonshme, që do të kenë efekt zinxhir.
Në total bëhet fjalë për rreth 7 mijë biznese të cilat, nxirren në treg të lirë, pa asnjë masë mbrojtëse nga qeveria shqiptare.
