Ka mbushur faqet e shtypit rozë mbarëbotëror lajmi mbi martesën dy artistëve me famë ndërkombëtare, aktorit Ben Affleck dhe këngëtares Jennifer Lopez, të cilet zgjodhën të kurorëzoheshin në martesë këtë të shtunë që shkoi, më 16 korrik, në Las Vegas.
Historia e çiftit ka intriguar jo pak herë fansat e tyre, të cilët, pas rikthimit bashkë të çiftit në 2021-in, shpresuan vërtet se dashuria e tyre kësaj radhe do të kishte një fund të lumtur.
Parukrieri i JLO, bashkëndau me publikun çastet e fundit të përgatitjes së këngëtares përpara ceremonisë së celebrimit, ku JLO shfaqet me një fustan të bardhë tejet të thjeshtë, duke deklaruar se kishte kohë që e ruante atë fustan në dollapin e saj e se më në fund do ta vishte për ditën e shenjtë të celebrimit me Affleck.
E teksa JLOe ndërroi veshjen dy herë, po të njëjtën gjë bëri edhe aktori Ben Affleck përgjatë kurorëzimit të tyre në kishën e vogël martesore në Las Vegas, duke zgjedhur për këtë rast veshje të së shkuarës nga dollapi i vet. “Ishte martesa më e mirë që mund të imagjinonim”, u shpreh këngëtarja. “Ishte diçka që e kishim imagjinuar shumë më parë, e që më në fund u bë realitet për sytë tanë dhe zyrtarisht. Por tani jemi më të pjekur, kemi fëmijë dhe jemi më të përgjegjshëm”.
Çifti i famshëm hollivudian ka thuajse 20 vjet së bashku, mes peripecive të lidhjeve e ndarjeve. Ata u njohën për herë të parë në vitin 2002, u fejuan në nëntor të këtij viti, e shtynë martesën për në 2003-in, por pak përpara ceremonisë, u ndanë. Ben Affleck-u martohet me aktoren Jenifer Garner me të cilën ka tre fëmijë, Violetën 16, Serafinën 13 dhe Samuelin 10, kurse Jennifer Lopez martohet me Marc Anthony, me të cilin ka binjakët 14 vjeçarë, Maksin dhe Emën.
Çifti Affleck dhe Lopez takohen sërish në 2021 dhe kësaj radhe, me gjasa e duhura, pas propozimit me një unazë me diamant të madh jeshil prej tij, ata kurorëzohen në martesë.
