Përgjatë intervistimit e reja e dhunuar prej Gleard Gushollit, ka rrëfyer në detaje se çfarë ka ndodhur mes çiftit, duke rrëfyer dhunën e vuajtur dhe motivin e saj, që sipas 28 vjeçares ka qenë për arsye xhelozie.
Javën e parë nuk jemi zënë, javën e dytë kam parë tmerr me sy. Me ka kërcënuar, kam parë vdekjen me sy. Me thoshte do të të hedh në lumë. Do marr një shok tani, do të të hedh në lumë. Unë vetë kam tentuar disa herë të vras veten, të hidhesha nga ballkoni se nuk e duroja dot më. Më gjuante me shkelm, me grushte, në kokë, në fytyrë, në trup. Më gjuante me një shkop që ishte më gozhda, me nxirrte thikën, ma mbante në trup, tek këmba, më thoshte do ta çaj barkun. I lutesha, ma hap derën, nuk më do, nuk më do, vetëm të dal nga kjo shpia. Ai donte me u hakmarrë tek unë, se ne kemi qenë tre muaj të ndarë dhe në Gjermani ka filluar gjithë kjo dhunë. Prindërit e mi e kanë marrë vesh që bënte dhunë ndaj meje dhe e kanë nxjerrë nga shtëpia në Gjermani. Ne njiheshim gati një vit e gjysmë. Një vit kishim që njiheshim me njëri-tjetrin. Ky prej xhelozisë donte me u hakmarrë. Ma merrte telefonin. Ma jep telefonin. nuk ma hapte derën për të dalë. Nuk kontaktoja dot më njeri. Kemi bashkëjetuar një muaj e gjysmë, pastaj prindërit e mi e nxorën jashtë.
Persona të tjerë nuk kanë punë këtu, por e dëgjoja që fliste, që shkëmbente mesazhe, po me thoshte ja do vij një shoku im, do bëj të pamundurën të të hedh në lumë.
28 vjeçarja rrëfen se 31 vjeçari, nuk e lejonte të fliste as me njerëzit e saj, dhe ndihmë kishte mundur t’i kërkonte një moment gocës së dajës, e cila po fliste në telefon me të dashurin e saj, në përpjekje për të marrë vesh pse nuk e lejonin atë të hynte në Gjermani.
Sa herë bërtisja unë, ai e fakte telefonin, më gjuante, më thoshte do të vras. Ndërkohë folën prapë në telefon dhe aty kërkova ndihmë. Ishte gjëja e fundit që mund të bëja, edhe pse e dija që ai mund të më vriste, po kërkova ndihmë, I thashë “Të lutem Olta, hajde më ndihmo”. Atë moment fikët telefoni, më fuste gishtat në grykë katër gishtat, dhe donte me ma marr shpirtin. Në atë moment, thashë, ok po vdes, po jap avash-avash shpirt.
