Një 18 vjeçar me origjinë nga Librazhdi, i cili sapo kishte ardhur nga Anglia për pushime, ka gjetur sot vdekjen në ujërat bregetare të Durrësit.
Sipas policisë i riu Anri Kashniku kishte hyrë në det për të shpëtuar jetën e të vëllait 15 dhe të një shoku të tij, dhe teksa ata të dy i ka shpëtuar, vetë ka humbur jetën.
Kujtojmë që deti këtyre ditëve ka qenë me tepër dallgë dhe është disi e çuditshme mungesa e rojeve detare, e sidomos në një zonë aq të populluar sa Durrësi.
Njoftimi i policisë
Në vijim të informacionit paraprak për shtetasin A. K., rreth 18 vjeç, që dyshohet se u fut në det, për të shpëtuar dy fëmijë të mitur, ju bëjmë me dije se: Shërbimet e Policisë Kufitare kanë gjetur dhe kanë nxjerrë nga uji, trupin e pajetë të shtetasit A. K.
