Në vendimet e sotme të qeverisë ministrja e Shëndetësisë dhe Punëve Sociale Ogerta Manastriliu, bëri me dije se që nga data 1 tetor do të hyjnë në fuqi masat e marra prej qeverisë në kuadër të mbrojtjes sociale.
Sikurse e kemi bërë të ditur,tha Manastriliu në fjalën e saj, nga data 1 tetor, dyfishojmë masën e pagesës për ndihmën ekonomike, për familjet të cilat kanë dy fëmijë dhe janë pjesë e ndihmës ekonomike, gratë kryefamiljare, të cilët vlerësohet të jenë rreth 5700 gra kryefamilja me dy fëmijë, të cilat do të përfitojnë dyfishimin e pagesës së ndihmës ekonomike. Sa u takon familjeve me ndohmë ekonomike 3 plus fëmijë, ne e kemi bërë dyfishimin e ndihmës ekonomike që nga 1 janari i këtij viti.
Dyfishohet gjithashtu pagesa e ndihmës ekonomike për të moshuarit, të cilët janë pa pension pleqërie apo pa pension social dhe janë pjesë e skemës ekonomike, që janë plus 65 vjec, janë më shumë se 5300 të moshuar që do të fitojnë nga ky dyfishim. Janë mbi 64 mijë familje që do të përfitojnë nga këto masa. Është një mbështetje e qendrueshme dhe afat gjatë, që do të vijojë të jepet në vijim.
Pas indeksimit me 7.5 % që kemi bërë për programin e pagesave të mbështetjes për personat me aftësi të kufizuar, që janë rreth 90 persona me aftësi të kufizuar që tashmë i është indeksuar me 7.5 % pagesa që ata marrin. Në masë është marrë edhe për energjinë elektrike, për personat që kanë statusin e personave me aftësi të kufizuar, paraplegjik, tetra plegjik dhe të verbër të cilëve u rrit kompesimi për energjinë elektrike. Kjo masë shkon nga 2 mijë lekë të reja që është aktualisht, në 3 mijë lekë të reja, ndërsa sa u takon të verbërve të kadegorisë së dytë, nga 1400 lekë të reja që është sot, shkon në 2400 lekë të reja. Nga kjo mbështetje fitojnë mbi 12 mijë persona që gëzojnë këtë status, tha Manastriliu mes të tjerave.
