Teksa ka shkarkuar me votën e 4446 delegatëve kreun aktual të PD-së Lulëzim Bashën, Kuvendi i mbledhur nga Berisha, ka miratuar gjithashtu edhe ndryshimin e statuti të kësaj Partie, duke ndryshuar po ashtu edhe logon e vulën e Partisë.
Do të jetë 22 marsi i 2022 data kur do të garohet për një tjetër kryetar të PD-së, e deri më atëherë të gjitha veprimet do të ndërmerren prej një komisioni të përkohshëm, i përbërë nga emrat më në zë të PD-së.
Deri në këto momente nuk ka asnjë reagim zyrtar nga kreu i sapo shkarkuar i PD-së Lulëzim Basha, për të cilin raportohet se teksa Kuvendi I Berishës e shkarkonte, ka mbledhur Këshillin e PD.
Nuk dihet po ashtu edhe nëse do të mbahet Kuvendi i shpallur nga Basha, i cili është lënë për në datën 18 dhjetor.
