Një tjetër këngë polifonike u është shtuar radhëve të këngëve kushtuar politikanëve në Shqipëri, e kësaj radhe është grupi “Zëri i Bilbilit”, ai i cili gjatë përurimit të pjesës Kardhiq-Sarandë, në tunelin e Skërficës, ka përjetësuar në këngë, veç Ramës, edhe ministren e Infrastrukturës, Ballukun, e po ashtu edhe deputetin e zonës Damian Gjiknuri.
Kënga për dy politikanët Gjiknuri e Balluku, vjen pas një sërë këngësh kënduar përgjatë viteve prej lebërve për Enver Hoxhën, Edi Ramën, Erdoganin, Rrapush Xhaferrin, etj, në përpjekje për të idealizuar e përjetësuar në shenjë falenderimi personazhet e pretenduar bamirës.
Sa më poshtë, MetropolPost po ju sjell të plotë tekstin e këngës kënduar nga grupi “Zëri i Bilbilit”.
I thotë qafa e Skërficës
Luvadhit dhe Gramatesë
Paska dhe male mbi male
Që të çajnë mes për mes.
Tre janë emrat që ja bënë
Këtë dhuratë labërisë
Damjani edhe Balluku
Dhe kreu i qeverisë
Nisën punimet e para
Seneja 2000 e shtatë
Por e sosi Edi Rama
Më pak se gjysëm mandatë
Ti e lidhe labërinë
Me rrugë kryq e terthorë
Kurveleshin me Himarën
Tepelen Kuç edhe Vlorë.
Këtu mezi shkonin trimat
Për Senicë e Taroninë
Tani lidhet me tunelin
Gjirokastra me Delvinë
Mbaso do meren me grupin
Që e mburrëm qeverinë
Kush punon për këtë truall
Këngën labe ka shpërblim
