Lajmi mbi zhdukjen e lulishtes pas Pallatit të Operas nuk është i ri për kë ndjek zhvillimet urbane të kryeqytetit.
Kemi folur për kullat në qendër të Tiranës, qysh kur debatohej Plani Urbanistik i Tiranës në vitet 2015-2016 e edhe në vazhdim.
Në 2018, doli lajmi se qeveria kishte vendosur ndërtimin e 16 kullave të larta në qendër të Tiranës dhe qytetarët u shokuan.
Rreth të njëjtës perjudhë u shpall lajmi për shembjen e Teatrit Kombëtar.
Akoma më pak se për ndërtimin e kullës, qytetari di për zhvilluesin Nova Construction 2012, me zotërues kryesor Ilir Shtufin.
Kompania është krijuar në 2012 dhe në vitin e parë ka shënuar një fitim prej më pak se 90 mijë Euro. Situata ka qënë njësoj, derisa firma u bë pjesëmarrjese në programin e Rindërtimit, ku, mes të tjerash, po zhvillon të shumëpërfolurën lagje “5 maji”.
Ajo po ndërton gjithashtu Terminalin e Autobusave të Veriut dhe disa godina në zona të zgjedhura qëndrore.
Nga viti 2020 deri ne 2023, Nova Construction ka përfituar nga Thesari transaksione me vlerë 137 miliard lekë të vjetra.
(Reference Open Treasury: https://spending.data.al/en/treasury/list/faqe/2/year/2019/perf_id/NOVAConstruction2012)
Kapërcim jo i keq nga 100 mijë Euro në 137 milion Euro.💁🏻♀️
Pronari Ilir Shtufi zotëron me 50% edhe kompaninë Ferro Beton & Construction Co. (detajet në link https://opencorporates.al/sq/nipt/k21505001q), e cila ka perfituar mbi 2.5 milion Euro vetëm në një vit nga programi i Rindërtimit, me ndërtime kryesisht në Tiranë.
Referenca: https://spending.data.al/en/treasury/list/year/2019/perf_id/FERROBETON%2526CONSTRUCTIONCO
Po kjo kompani, përmes një tjetër kompanie që zotëron “Dusku SA” ka marr në shkëmbim nga shteti edhe 1470 m² tokë në një nga hapsirat më të lakmuara, te Garda e Republikës, në hyrje të Liqenit Artificial, duke i hapur rrugë ndërtimit të kullave aty. Nuk dihet vlera e truallit që ka dhënë në shkëmbim apo dobia publike e shkëmbimit.
Për detaje ndiqni vendimin në link: https://qbz.gov.al/eli/fz/2020/173/afd30489-183c-4b55-9752-f980e82c914d
Nëse shikon gjithë aktivitetet e Ilir Shtufit, ajo që bie direkt në sy është se, pas 2019, aktivitetet e tij kanë shpërthyer.
Rreth të njëjtës perjudhë ai ka hapur edhe kompaninë Korça Photovoltaic Park, rreth të njëjtës perjudhë që qeveria shqiptare njoftoi interesin për projekte të kësaj natyre.
Gjeni sipërmarrëse?! Jo, Ilir Shtufi ka kohë që operon, por janë paratë publike që e kanë majmur në atë pikë dhe lidhjet politike që i lejojnë të bëjë investime të mëdha në zonat më të mira, pa rreziqet që merr përsipër sipërmarrësi i ndershëm.
Arsyeja përse nuk e keni dëgjuar të lakohet emrin e tij është sepse, veç lidhjeve me qeverinë, ai kultivon raporte shumë të ngushta me familjen Berisha.
Kjo është edhe arsyeja që Syri TV nuk e ka goditur ndërtimin, por ka larë gojën me një status facebooku të Tedi Blushit të Metës.
Medemek, si opozitë kemi reaguar.
Një nga pikëpyetjet e mëdha të projektit është nëse ka tokë publike, veçse private aty. Do të gërmojmë e do ta zbulojmë.
Ndërkohë, Tirana u gdhi me një park më pak sot.
