Një prej konspiracionistëve më të njohur në vend e po ashtu edhe një prej dhe venismëtarëve të lëvizjes anti-vax në Shqipëri, Alfred Çako, u ka bërë thirrje përmes një videoje publikuar në fejbukun e tij, të gjithë ndjekësve dhe përkrahësve të kësaj lëvizjeje, të vazhdojnë pa u lodhur me protestat kundër vaksinimit me detyrim, i cili, sipas Çakos, synon depopullimin e më pas mikrocipimin shoqërisë, me qëllim skllavërimin e saj.
Idhtarë të lëvizjes no-vax, thotë Çakoja në videon e tij. Ju ftoj të shtoni presionin mbi përfaqësuesit e elitës demoniake që kontrollon botën, të diktaturës sanitare këtu në Tiranë, me përfaqësues të tyre me në krye Ramën, Manastriliun, dhe komitetin e maskarenjve. Ju bëj thirrje të punoni më fort për presion kryesisht nëpërmjet rrugës, por edhe nëpërmjet rrugëve të tjera, se presioni me numrat tuaja, me pjesëmarrjen tuaj në rrugë, do të jetë ai që do t’i detyrojë të stopohen, të tërhiqen dhe të ndalojnë programet e tyre të depopullimit, të shfarosjes dhe të helmimit me vaksina. Ne ithtarët e plandemisë, që kemi dy vjet që themi që nuk ka pandemi, por plandemi, që kovidi nuk është i natyrshëm, ai nuk ekziston, që ka një helmim të cilin e realizojnë me shumë mënyra, nuk jemi tërhequr kurrë nga ky mendim. Lufta jonë nuk ka qenë vetëm kundër lockdaën-it, por kundër plandemisë. Ne jemi përpjekur vazhdimisht t’i demaskojmë, se kjo është një luftë dhe një armë biologjike, që po bëhet për depopullim dhe mikroçipim. Vaksina shërben për depopullim, ndërsa mikroçipimi shërben për skllavërim të atyre që mbeten, që do të jenë 1/7 ose dhe 1/8 e numrit të sotëm të popullësisë dhe kjo do të jetë e shtrirë në kohë, nëse ata do arrijnë ta realizojnë. Por unë jam optimist, thotë mes të tjerave Çako në videon e tij, se projekti i Zotit me njeriun si banor kryesor i qenieve të gjalla të tokës, do të përfundojë me këtë luftë demoniake, që ata, drejtuesit e korporatave dhe bankierët e mëdhenj, drejtuesit e Big Pharmas, drejtuesit e Mosantos, pasi realizuan OMGJ kafshët dhe frutat dhe bimët dhe zarzavatet, kërkojnë të krijojnë njeriun OMGJ, të kontrolluar me anë të pajisjeve dixhitale të quajtura IT-2020 me në krye RokFelerët, Bill Gejtsin dhe njerëz të tjerët të fuqishëm si bankerët Rotshajld etj, bashkë me kompaninë e tyre që kanë përgatitur politikanët, që nuk e kalojnë 4% të popullisë të gjithë së bashku, kurse ne jemi shumë, po të organizohemi, na kanë shumë frikë. Kjo luftë nuk do të varet nga ne, nga Shqipëria se i do të vejë, tha Çako mes të tjerave, se Rama është një shërbëtor i tyre, por kjo do të varet nga vendet e mëdha, që kanë shekuj që punojnë për zgjimin e shoqërisë. Lufta jonë nuk është vetëm kundër vaksinimit me detyrim, por edhe për Zgjimin e Madh, saktëson mes të tjerave Çako.
