Pas goditjes së të shoqit prej ish të dashurës së tij, me të cilën kishte edhe një fëmijë, bashkëkëshorjta e okulistit të njohu grek, ende në spital prej goditjeve, ka deklaruar përpara medieve greke se Klodiana Çelo kishte shkuar atë ditë të vriste atë.
Zakonisht unë jam vetëm në shtëpi mëngjeseve, M. dhe Geogrge zakonisht nuk janë, dhe ajo do ketë ardhur të më lëndojë mua. Isha sipër shkallëve dhe po përpiqja të fusja në vend të sigurt 13 vjeçaren, kur dëgjova të shtënat, deklaroi anglezja 68 vjeçare ditën e ngjarjes.
Mediat greke ndërkaq, japin informacione disi kontradiktore mbi Klodianën, duke e cilësuar atë një herë si artiste, e një herë si punonjëse në departamentin e pastrimit në klinikën ku qe njohur me okulistin.
Nuk dihet mirë se si kanë rrjedhur ngjarjes e marrëdhënies së Klodiana Çelos dhe doktorit të njohur athinas, i cili tashmë po trajtohet për goditjet e marra, shkruan Tanea. Me gjasa okulisti i njohur ka pasur një marrëdhënie jashtëmartesore 13 vite të shkuara me Klodiana Celon, e cila ka punuar në departamentin e pastrimit, në klinikën e madhe në veri të Athinës. Të dy janë takuar në punë dhe prej kësaj marrëdhënie, erdhi në jetë edhe vajza 13 vjeçare. Pasi mjeku e mësoi që gruaja kishte mbetur shtatëzënë, ai ia bëri të qartë që do ta njihte fëmijën, por nuk do të prishte martesën e tij. Sipas informacioneve, Klodiana Çelo, pas lindjes së fëmijës, e ka kërcënuar okulistin, në mënyrë që të përfitonte para prej tij, gjë që e shtyu këtë të fundit të niste procedurat ligjore. Për këtë motiv, Klodiana është dënuar me vendimin e patjetërsueshëm të Gjykatës së Lartë, dhe 68 vjecari ka arritur të marrë kujdestarinë e 13 vjecares, për ta rritur në një ambient më të shëndetshëm me të shoqen angleze.
Ndërkaq, thuhet po tek Tanea, Klodiana është e bindur se qëllimi i mjekut është t’i bëjë keq vajzës. Teksa ka parë të bijën tek rritej me të atin dhe gruan angleze, larg përqafimeve të saj, ka nisur të shfaqë shenja xhelozie, që mbërrinin në akte kriminale të pajustifikuara.
Edhe pse sipas medieve greke, e bija 13 vjeçare e Klodiana Çelos, nuk ka dashur të shkojë me të ëmën, dhe po sipas tyre Klodiana Çelo ka qenë e shtruar në çmendinë, për hir të akteve që kapërcenin sjelljet normale (ndërkohë që vetë Klodiana thotë se me njohjet që ish i dashuri kishte, arriti ta mbyllte në çmendinë që ta hiqte qafe e t’i merrte të bijën), sërish mbetet e paqartë, se si bashkëshortja angleze, 68 vjeçare tashmë, ka gëlltitur së pari tradhëtinë e të shoqit, e së dyti edhe të pranojë të rrisë bimën e kësaj tradhëtie, kur vetë ka dy fëmijë me okulistin grek, e kur e ëma e kërkon të bijën me çdo kusht.
