“Pacienti i parë sapo instaloi Neuralinkun dhe është në fazë rikuperimi”.”, shkruan në një postim të vetin ditën e djeshme miliarderi Elon Musk, i cili tregohet entuziast për çipin e parë të instaluar në trurin e njeriut.
Por çfarë është Neuralink?
The first human received an implant from @Neuralink yesterday and is recovering well.
— Elon Musk (@elonmusk) January 29, 2024
Initial results show promising neuron spike detection.
Sipas Elon Musk “produkti i parë i Neuralink quhet Telepaty“. Telepaty “mundëson kontrollin e telefonit ose kompjuterit tuaj, dhe përmes tyre, praktikisht çdo pajisjeje, vetëm duke menduar”. Njerëzit e parë mbi të cilët do të testohet, ka deklaruar Muks, “do të jenë ata që kanë humbur përdorimin e gjymtyrëve të tyre. Imagjinoni sikur Stephen Hawking të mund të komunikonte më shpejt se një lojtar i shpejtë apo drejtues ankandi. Ky është qëllimi”, vijon ai.
Në pacientin e parë, sipas Musk, “rezultatet fillestare tregojnë zbulim premtues të fijeve neuronale”. Pasi mori vitin e shkuar lejen prej FDA-së, në shtator 2023-it, Neuralink njoftoi se kishte marrë miratimin për të zgjedhur pjesëmarrësit për provën njerëzore. Studimi përdor një robot për të vendosur kirurgjikisht një impiant të ndërfaqes tru-kompjuter (BCI), në një rajon të trurit që kontrollon lëvizjen. Qëllimi? Lejon njerëzit të kontrollojnë kursorin ose tastierën e kompjuterit, duke përdorur vetëm mendimet e tyre.
Çështja e “materialit të rrezikshëm”
Gjatë inspektimeve të objekteve të kompanisë në Teksas dhe Kaliforni në shkurt 2023, hetuesit e Departamentit të Transportit të SHBA zbuluan se kjo kompani nuk ishte regjistruar si transportuese e materialeve të rrezikshme dhe u gjobit për shkelje të rregullores. Një tjetër polemikë, përfshin edhe testimin e kafshëve. Në dhjetor 2022, agjencia e lajmeve Reuters raportoi se Inspektori i Përgjithshëm i Departamentit të Bujqësisë së Shteteve të Bashkuara (USDA), po hetonte shkeljet e supozuara të ligjit për mirëqenien e kafshëve. Materiali thoshte se testet e Neuralink-ut kishin vrarë afërsisht 1,500 kafshë që nga viti 2018. Musk shkroi në një postim në mediat sociale më 10 shtator 2023, duke deklaruar se “asnjë majmun nuk ka ngordhur nga ndonjë implant Neuralink”, duke shtuar se kompania kishte zgjedhur majmunët “në gradë të fundit”, për të minimizuar rrezikun për ata të shëndetshmit.
