Një ndodhi mes një kuzhinieri meksikan e një influencereje, ka hapur një debat tejet interesant mbi influencerët dhe mbi seç janë ata në të vërtetë.
Më 18 qershor, shefi meksikan i kuzhinës Edgar Núñez, pronar Ii “Sud777”, një restorant tejet I njohur në Amerikën e Jugut, merr një mesazh nga një influencere, Manuela Gutiérrez, e cila e kontaktonte për t’i kërkuar një darkë falas, në këmbim të reklamës në rrjetet sociale.
Mesazhi, që Núñez e publikon në tuiterin e vet, thoshte: “Përshëndetje, si je? Restoranti yt është thjesht spektakolar! Do të jem në Meksikë në fund të muajit së bashku me të dashurin tim, dhe do të më pëlqente nëse është e mundur një ofertë reklame, ku unë këshilloj dhe tregoj shërbimet tuaja në instagramin tim, në këmbim të një vati për dy. Do të ishte nder për mua”.
Núñez në instagramin e tij kufizohet me një të qeshur dhe me një shënim mbi print screen-in e mesazhit, përmes së cilit edhe i përgjigjet influenceres: “Dhe në seksionin tim të preferuar “zhvatës ndërkombëtarë”, lë Emanuelën ( e cila ka një të katërtën e ndjekësave të mi), shkruan ai.
Dhe në fakt influencerja ka rreth 94 mijë ndjekës, kurse Núñez 150 mijë, por debati mbetet: çfarë janë në fakt influencerët?
