Një hetim i pavarur, kryer mes regjistrave të gjykatës, policisë, Kishës Katolike franceze, e po ashtu edhe mes viktimave e dëshmitarëve, ka nxjerrë në pah një tjetër skandal të abuzimit seksual me të mitur në Kishën Katolike Kranceze.
Hetimi, i cili u është referuar dokumentacioneve që prej vitit 1950, ka dëshmuar se të abuzuar seksualisht nga anëtarët e klerit katolik francez kanë qenë rreth 216.000 fëmijë të shtresave të ndryshme sociale e të grupmoshës paraadoleshente, e se një numër i tillë mund të mbërrijë deri në 330 mijë, për shkak se aty nuk janë përfshirë ende abuzimet nga ana e anëtarëve laikë të kishës.
Kreu i hetimit, Jean-Marc Sauvé, u shpreh se shifrat janë dërrmuese. Sipas tij deri në fillim të viteve 2000 Kisha Katolike kishte dëshmuar një indeferencë të thellë e madje të pamëshirëshme ndaj viktimave dhe ky hetim mund të cilësohej fare mirë si një pikë kthehese në këtë drejtim.
Hetimi prej 2500 faqesh, rrëfen se 60% e viktimave kishin vuajtur shqetësime të rënda në jetët e tyre emotive dhe seksuale kur qenë rritur, duke rekomanduar ndryshimet në kulturën dhe praktikave të Kishës, përfshi edhe kufizimet e fshehtësisë së rrëfimeve, në rastet e abuzimit.
Kujtojmë se në fillim të këtij viti, papa Frencesku ndryshoi ligjet e Kishës Katolike Romane, duke sanksionuar dënimin publikisht të abuzimeve abuzimet seksuale të klerit, me rreth 40 vjet.
Ndërkaq, vetë Kisha Katolike Francese ka shprehur “turp dhe tmerr” nga rezultatet e dala, duke kërkuar ndjesë, kurse autoritetet franceze i cilësojnë si tejet pleq tashmë për t’u dënuar, emrat që kanë dalë në hetim.
