Është hapur përkohësisht bypass-i i Vlorës, i cili nis në hyrje të Vlorës kur mbaron segmenti Levan-Vlorë dhe përfundon në Dukat- Fushë pasi kalon Orikumin. Lajmin e ka bërë të ditur vetë ministrja e Infrastrukturës Belinda Balluku, bashkë me kreun e shtetit Edi Rama, e cila ka bërë me dije se puna në këtë by-pass nuk ka përfunduar ende, e se teksa ai hapet përkohësisht në përputhje me afatet e deklaruara, puna në të do të vazhdojë.
Në sqarimet e dhëna nga ministrja Balluku për kreun e qeverisë Rama, i tërë aksi panoramik do të monitorohet nga kamerat e nga policia, në mënyrë që të bëhet e mundur shmangia e aksidenteve. Ai, tha Balluku, mund të përshkruhet për 20 minuta duke respektuar sinjalistikën rrugore, ndërkohë që kantieret e Orikumit, Dukatit, Palasës dhe Dhërmiut, vazhdojnë të jenë ende të hapur.
Sipas ministres, në datë 28 pritet të përfundojë procesi edhe për tunelin e Llogarasë, në mënyrë që të punohet edhe në atë pjesë rruge.
