Aktori i njohur hollivudian nuk ka humbur rastin për të bërë një batutë të fortë, teksa merrte çmimin Cecil B. DeMille për karrierën e tij në çmimet Golden Globe të martën në mbrëmje.
Përgjatë fjalës së tij, Edi Mërfi pohoi se kishte 46 vjet në botën e spektaklit dhe 41 në atë të kinemasë, ndaj kjo e tija ishte vërtetë një eksperiencë e gjatë.
Pasi falënderoi familjen, ortakët, producentët dhe agjentin e tij, Mërfi zgjodhi ta përftaundonte fjalën e tij me disa këshilla të urta, për ata që ëndërrojnë të zhyten në botën e spektaklit.
Dua t’ju them se ka një projekt të qartë që mund ta ndjekësh për të mbërritur suksesin, prosperitetin dhe qetësinë. Është shumë e thjeshtë. Janë tri gjëra: paguaj taksat, shih punën tënde dhe mbaje emrin e gruas së Uilli Smithit jashtë gojës tënde të mallkuar!, tha ai, duke iu referuar natyrisht shpullës famëkeqe që Uilli Smith i dha prezantuesit Kris Rok, përgjatë Academy Aëards të vitit të shkuar, pasi Rok bëri një batutë mbi gruan e Smithit, Xhana Pinket Smith.
