Ministri i mbrojtjes ruse Sergei Shoigu ka deklaruar se nga pikëpamja ushtarake, Rusia nuk ka nevojë të përdorë armë bërthamore për të mbërritur qëllimin. Të paktën kjo është ajo që raportojnë mediat ruse, duke sqaruar se deklarata e ministrit rus të Mbrojtjes, u bë gjatë një konferencë ndërkombëtare mbi sigurinë në Moskë.
Në fjalën e tij në këtë konferencë. Shoigu thuhet se kritikoi edhe spekulimet e medias, e cila artikulon rëndom se Rusia mund të përdorë potencialisht armët bërthamore apo kimike, për të kompesuar përparimin e ngadaltë të fushatës së vet luftarake që po zgjat thuajse 7 muaj, duke i cilësuar të gjitha këto si “gënjeshtra absolute”.
Mes të tjerave, ministri rus i Mbrojtjes pohoi se “qëllimi kryesor i armëve nukleare ruse është ai i shkurajimit të ndonjë sulmi nuklear e se përdorimi i tyre është i kufizuar dhe në rrethana të jashtëzakonshme”.
Ndërkaq të martën ambasada ruse në Uashington akuzoi Shtetet e Bashkuara se po shtonin kërcënimet për “një përplasjeje ushtareke që drejtohej prej fuqive nukleare”, përmes “përballjes hibride” në Ukrainë. “Hapat e ndërmarra kohët e fundit përgjatë që përballjeje hibride me Rusinë në kontekstin e krizës ukrainase, janë të mbushura me përshallëzimin e një përplasjeje ushtarake, drejtuar prej fuqive nukleare”, shkruan trupa diplomatike ruse në notën e saj.
Presidenti Vladimir Putin ka vënë në gatishmëri maksimale forcat nukleare pasi deklaroi atë që Kremlini e quan “operacion ushtarak special” në Ukrainë, duke ushqyer frikërat se vendi mund ta shkarkojë arsenalin e vet aty.
Mediat ruse nuk harrojnë të citojnë ndërkohë edhe gjeneralin Jim Hockenhull, kreun e inteligjencës ushtarake britanike, i cili në një intervistë për BBC-në, është shprehur “mundësa që Rusia të përdorë armë nukleare në Ukrainë, mund të ndryshojnë nëse ndryshon dinamika e fushës së betejës”
