Një variant ri Sars-Cov-2 është spikatur në Bretanjë të Francës. Lajmi bëhet i ditur nga Drejtoria e e Përgjithshme të Shëndetit francez, e cila ka bërë me dije se po kryen studime për të parë se sa ngjitës e se sa fatal mund të jetë ky variant i ri.
Sipas medieve të huaja, analizat e kryera deri më tashmë nga Instituti Pasteur në Francë, kanë vënë në pah që varianti i ri është bartës i nëntë mutacioneve të tjera, krahasuar me virusin orgjinal. Por, nënvizojnë ata, analizat e para të këtij mutacioni, nuk mundësojnë ende dhënien e informacioneve as për transmetuesmërinë e as për fatalitetin, krahasuar me virusin origjinal.
Frika më e madhe shprehen institucionet shëndetësore franceze, lidhet sidomos me aftësinë e tij për t’ju shpëtuar tamponëve. Varanti i ri thonë ata, është futur në fakt në kategorinë “për t’u monitoruar”, sepse autoritetet shëndetësore të Bretanjës kanë raportuar për disa raste me simptomat e Covidit, por me teste PCR-je negative. Më 13 mars, në këtë rajon, janë identifikuar gjithësej 79 raste të tilla, ndaj institucionet shëndetësore franceze, janë duke u përpjekur të kuptojnë më tepër prej këtij varianti.
