Këngëtari i Bandës Maneskin, do t’i nënshtrohet një testi antidrogë, për të hedhur poshtë zërat që thonë se ai ka përdorur kokainë gjatë natës finale të Festivalit Europian të Këngës, mbrëmë në darkë.
Dyshimet lindën nga rrjetet sociale, kur një xhirim i shpërndarë masivisht, tregonte Damiano Davidin, një prej anëtarëve të grupit, që lëvizte kokën drejt tryezës dhe nuhaste.
Vetë Damiano e ka mohuar me forcë këtë gjë, por për ta sqaruar, në lojë ka hyrë European Broadcasting Union (EBU), që organizon edhe Festivalin e Këngës Europiane, përfaqësuesit e së cilit këmbëngulin se në dhomën jeshile ku kandidatët prisnin vlerësimin, nuk kishte drogë, senë tryezën e Italisë që thyer një gotë dhe këngëtari e kishte fshirë.
EBU po shqyrton imazhet në dispozicion dhe në vijim, është shprehur se do ofrojë informacione të tjera në vijim.
Pas videos që qarkulloi në rrjet, “Maneskin” kishte shpërndarë edhe një deklaratë në Instagram, ku i tërë grupi shprehej se qe gati të testohej për lëndë narkotike. “Jemi të shokuar nga fakti që disa njerëz pohojnë se Damiano është i droguar. Ne jemi kundër drogës, dhe nuk kemi përdorur kurrë kokainë, është shprehur grupi. Jemi gati të testohemi, se nuk kemi asgjë për të fshehur. Kemi ardhur të luajmë muzikë, dhe jemi shumë të lumtur që e fituam Eurovizionin, festivalin e këngës europiane.
Kujtojmë që mbrëmë në darkë grupi italian i rrokut fitoi Eurovision 2021, me këngën Zitti e Buoni.
