Mënyra e re e lëshimit të faturës për biznesin e vogël ose të madh, ose njohur ndryshe edhe si procesi i fiskalizimit, ka ngjallur jo pak reagime tek qytetarët që shprehen të shqetësuar mbi kostot shtesë që ka ky proces, në një kohë kur biznesi shqiptar, u përshtat më në fund me kasat fiskale, një proces ky i fundit që zgjati jo pak vite, e ushqeu jo pak debate.
Në një intervistë dhënë për KlanPlus, drejtoresha e Tatimeve Delina Ibrahimaj ka pranuar se kostot e Fiskalizimit rëndojnë më shumë tek biznesi i vogël, pasi biznesi i madh ka qenë përherë mbështetës i procesit të fiskalizimit.
Sigurisht që kostot rëndojnë më shumë tek biznesi i vogël se tek biznesi i madh, është shprehur Ibrahimaj, pasi biznesi i madh ka qenë përherë mbështetës i procesit të fiskalizimit, , duke qenë se ky proces u lehtëson punën atyre, në drejtim të përmbushjes tatimore, të dorëzimit të deklaratave, të librave, të dorëzimit të faturave. Nëse më parë një biznes për të lëshuar kuponat tatimore duhej të pajisej me kasë e cila kishte një kosto të caktuar, diku tek 280 euro, plus mirëmbajtje vjetore dhe kosto të tjera që shoqëroheshin me kasën, tashmë, në llogaritjet tona, kushton më pak se 280 euro që të iniciosh një biznes. Bizneseve të vogla e të mesme u duhet një pajisje elektornike. Pajisnen mund të jetë pajisje elektronike që e kanë aktualisht, një tablet, një kompjuter, që do të duhet ta blejnë për këtë qëllim, sigurisht cmimet variojnë sipas zgjedhjes dhe tatim paguesit mund të zgjedhin të marrin një pajisje shumë të lirë apo mund të zgjedhin një shumë të shtrenjtë. Biznesi i vogël që nuk ka mundësi të përballojë, sigurisht do të shkojë tek një pajisje që është më e lirë, që ia bën punën njësoj si e shtrenjta, duhet të pajisjen me një certifikatë elektronike, që kushton 4 mijë lekë të reja në vit pa TVSH ose 4800 lekë të reja në vit nga AKSHI, duhet të kenë një lidhje të pandërprerë me internet. Dua të theksoj që fuqia e internetit është shumë e ulët, nuk duhet një ëirles i fuqishëm, por një paketë e thjeshtë interneti për shkëmbimin e informacionit, dhe një printer, jo fiskal, per të printuar faturën.
Sa u takon bizneseve që e kanë aktualisht një kasë, patjetër që fikalizimi shoqërohet me ndryshim. Ka një numër kasash që nuk do të dalin jashtë përdorimit, që janë përshtatur, që janë certifkuar, që softuerët e përdorura nga kasat janë certifikuar dhe mund të vahdojnë të përdoren. Kjo liste gjendet në faqen e Administratës Tatimore dhe cdo tatimpagues, mund ta konsultojë atë.
Në njoftimet në faqen e vet, Administrata Tatimore rikujton se në datë 1 Korrik nis zbatimi i fazës së dytë të Fiskalizimit, për transaksionet pa para në dorë Binzes me Biznes.
