Ka falimentuar ditën e premte një prej bankave më të preferuara për investimet teknologjike, “Silicon Valley Bank”, me seli në Kaliforni.
E lindur 40 vite më parë, SVB-ja amerikane ia doli përgjatë viteve të mbërrinte në vendin e 16 si një prej bankare më të mëdha në Amerikë, duke u fokusuar kryesisht në nevojat financiare të kompanive teknologjike në mbarë botën.
Por çfarë ndodhi me SVB-në?
Si banka më e preferuar në sektorin e teknologjisë, shërbimet e SVB-së ishin nga më të kërkuarat gjatë periudhës së covid-19, kur shërbimet teknologjisë dhe start-up-t morën hov. Shumë prej kompanive përgjatë këtyre viteve e përdoren këtë bankë për listpagesat e tyre dhe shpenzimet të tjera të bizneset, duke çuar kështu në një fluks depozitash. Një pjesë të madhe të depozitave SVB i investoi (siç bëjnë zakonisht bankat), por rënia e saj nisi kur ajo fillon të investonte më tepër në obligacionet e qeverisë amerikane, duke mbështetur kryesisht ato me afat të gjatë.
Por obligacionet kanë një marrëdhënie të kundërt me normat e interesit: kur normat rriten, çmimet e bonove bien. Kur Rezerva Federale nisi të rriste me shpejtësi normat për të luftuar inflacionin, portofoli i obligacioneve të SVB-së nisi të humbte vlerë. Nëse SVB do ishte në gjendje t’i mbante ato për disa vite derisa të maturoheshin, do mund të merrte mbrapsh kapitalin e saj. Por kur kushtet ekonomike u përkeqësuan (në 2022), shumë nga klientët e SVB-së nisën të përdornin depozitat e tyre. SVB-ja nuk kishte para në dorë, ndaj u detyruar të shesë disa prej obligacioneve të saj me humbje të mëdha, duke frikësuar kështu investitorët dhe klientët.
U deshën vetëm 48 orë pas shitjes së aseteve, që të merrej vesh edhe rënia përfundimtare e saj
